ارزگان ولایتی نینگ محلی امنیتی مسووللری، ایکّی عیال شامل روسیه‌لیک 11 کیشیلیک بیر گروه مذکور ولایت گیزاب تومنی نینگ تیرینکوت و سرخاب منطقه‌سیده طالبلرگه کومک بیره دیگن پئیت‌ده کوریلگن‌لیگینی ایته‌دیلر. اوشبو شخصلر داکترلر کییمی نی کییب آلیب فعالیت‌گه باشله‌گن.
سلام‌وطندار ترماغی‌گه صحبت بیرگن ارزگان امنیه قوماندانی غلام فاروق سنگری، داکترلر لباسی‌ده بولگن روسیه‌لیک مذکور شخصلر 4 طالب تامایندن امنیتی تامین بولگن بیر پئیت‌ده کوزه تیلگن دیدی.
ارزگان امنیه قوماندانی، اوشبو گروه‌نینگ فعالیتی توغریسیده مرکزی حکومت همده ولایتده‌گی امریکالیک حربیلرگه معلومات بیرگن لیکلرینی بیلدیردی.
جناب سنگری، بولرنینگ قولگه کیریتگن معلوماتلریده روسیه‌لیکلر عسکرلیککه آلیش، اورگه‌تیش، ماین اورنه‌تیش و باشقه بولیملرگه قوراللی طالبلرگه همکارلیک قیلیشی باره‌سیده سیزیله‌دی دیگن.
شونینگدیک ولایت نینگ قطار مدنی فعاللری هم روسیه‌لیکلر فعالیتی باره‌سیده تشویش بیلدیرگنلر. اولر، مرکزی حکومت‌دن ولایتده‌گی روسیه فقراسی توغریسیده تیزده چاره تدبیر کوریشی‌نی سوره‌گنلر.
ولایت نینگ مدنی فعاللری، مذکور ولایت‌ده روسیه‌لیکلرنینگ فعالیتی حکومت تامانیدن آلینمه‌گن حالده، ارزگان خلقی نینگ خوفسیزلیگی جدی قیین چیلیکلرگه روپه ره بولیشی ممکن دیگنلر.
ولایت والیسی نینگ سوزلاووچیسی دوست محمد نایاب، ولایت‌ده روسیه فقراسی نینگ فعالیتی توغرسیده معلومات قولگه کیریتگن‌لیکلرینی اعتراف قیلگن. لیکن، بو حقده هنوزگچه رسمی حجت قولده ایمس دیدی سوزلاووچی.
او، بو خصوصیده تیکشیرولر باشلنگن لیگینی تیلگه آلگن. تحقیق نینگ نتیجه‌سی ییتکرمه‌لر بیلن شریک قیلینه‌دی دیگن جناب نایاب.
