امنیتی کوچلرنینگ اکرامیه پولی قندوز ولایتی والیسی تامانیدن اولدیریلگن 50 طالب نینگ عایله اعضاسیگه بیریلیشی مدنی فعاللر و مذکور ولایت ولایتی کینگش نینگ غضبیگه سبب بولدی.
سلاموطندار ترماغیگه صحبت بیرگن قندوز ولایتی نینگ مدنی فعاللری همده ولایتی کینگش اعاضلری، ملی کوچلرنینگ اکرامیه پولی ولایت ولیسی اسدالله عمرخیل آرقهلی طالبان خانهدانگی بیریلیشینی ملی خیانت دیدیلر.
قندوز ولایت کینگشی نینگ کاتبی زرگل عالمی، ملی کوچلرنینگ اکرامیه پولی ولایت والیسی تامانیدن طالبان خانه دانیگه بیریلیشی تشویشلی بیر مساله دیگن. ولایت والیسی و خلق نی مدافعه قیلیش اوچون قوراللی طالبلر بیلن اوروشده جانینی بیرگن ملی کوچلرنینگ اکرامیه پولی افغان حربیلرینی قانینی توککنلرگه بیریلیشی آقلنمهیدیگن بیر ایش دیدی.
ولایت کینگشی نینگ کاتبی توغریده ولایت والیسی اهالیگه جواب بیریشی درکار دیدی. او، حکومتدن بو بارهده بیفرق قالمس لیگینی سورهب، مساله جدی تیکشیریلشی اوستیده تاکید قیلگن.
قندوزلیک مدنی فعال خدیجه نبییار قوراللی طالبلرنینگ خانهدانیگه پول بیریلیشی ولایت والیسینی بو حرکتدن حمایت قیلگن لیگینی کورستهدی دیگن.
ولایت والیسی نینگ سوزلاووچیسی سید محمود دانش، ملی کوچلر یا – ده طالبلرگه اکرامیه پول بیریش ولایت والیسی نینگ صلاحیتیدن اوستون دیگن. اما، ولایت نینگ والیسی اخیرگی وقتلرده ولایت نینگ بوزقندهاری قیشلاغیده اویوشتیریلگن هجومده خانهدان اعضالرینی قولدن بیرگنلرگه کومک بیرگن دیگن سوزلاووچی.
ولایت والیسی نینگ سوزلاووچیسی، اوتگن ییل ولایت نینگ بوزقندهاری قیشلاغیده اویوشتیریلگن هجوم عاقبتیده بالهلر داخل عیاللرگه تلفات ییتگن ایدی دیگن. جمهور رییس لیک سرایی مذکور خانهدانلر اوچون 4 میلیون افغانی اجرهتگن ایدی دیدی او.
یقینده ولایت والیسی اسدالله عمرخیل، ولایت نینگ قوم بویوکلری اشتراکیده اوتکزیلگن ییغین فرزندلرینی قولدن بیرگن طالبلرنینگ 50 عایلهسیگه امنیتی کوچلرنینگ اکرامیه پولینی بیرگن لیگینی تیلگه آلدی.
