کابل شهردارلیگی بیرینچی بار قویاش جاری ییلده پایتختده 200 کیلو متر یول قوریشگه باشلهیدی.
کابل شهردارلیگی نینگ مسووللری، بو ادارهنینگ لایحهسی اساسیده جاری ییل پایتختده 200 کیلو متر یول قوریلهدی دیدیلر. لایحه نینگ عمومی خرجتی 127.5 میلیون دالر تخمین قیلینگن. اوشبو مبلغ شهردارلیک درآمدی همده دنیا بانکی تامانیدن تولهنیلهدی.
رسمیلر، پروژه سابقدن قوریلگن بعضی یوللرنی اسفالت ایتیش، کانکریت و تاش توکیشدن عبارت بولگن لیگینی تیلگه آلدیلر.
کابل شهردارلیگی نشرات بولیمی نینگ باشلیغی عبدالجلیل سلطانی، لایحه نینگ عملی ایشی کیلگوسی ایکّی آیده ایچیده باشلنهدی دیگن. بو یوللر قوریلیشی بیلن کابللیکلرنینگ کتّه معماسی حل بولهدی دیگن جناب سلطانی.
شونینگدیک جناب سلطانی، هنوزگچه کابلده یوللرنی قوریش اوچون بونچهلیک اولکن پروژه تطبیق بولمهگن لیگینی بیلدیرگن.
جناب سلطانی، مذکور یوللر دنیا معیارلریگه ماس قوریلهدی دیدی. اونینگ تعبیریچه، لایحه تیگیشلی ادارهلر آرقهلی جدی شکلده نظارت بولهدی.
کابل شهردارلیک ادارهسی نینگ مسووللری، کابلدهگی موجود قیین چیلیکلر اینیقسه یوللر بولیمیدهگی معمالرنی برطرف قیلیش اوچون بو اداره اون ییللیک لایحه اوستیده ایلشب کیلماقده دیگن. مذکور برنامهده قیسقه، اورته و اوزاق مدتلیک بوتون پروژدهلر عملی بولیشی تاکیدلنهدی.
