پولیوگه قرشی ایملش بهاری کمپاینی نینگ بیرینچی دوری بوگون باشلندی. لایحه ساغلیقنی سقلش وزیرلیگی تامانیدن کابلده رسمن باشلندی. اوشبو لایحه مملکت بویلب اوچ کون دوام ایتهدی.
مملکت ساغلیقنی سقلش وزیری فیروزالدین فیروز، ایملش نینگ بیرینچی دوریده بیش یاشدن کیچیک 8 میلیون باله ایملنهدی دیگن. پولیوگه قرشی ایملش دستوری افغانستان نینگ 31 ولایتیده تطبیق ایتیلهدی دیگن جناب فیروز. شونینگدیک اوچ آیلیک دن بیش یاشگچه 8 میلیون باله گه ویتامین «ای» داروسی بیریلهدی دیگن او.
ساغلیقنی سقلش وزیری، اوتگن اوچ آی ایچیده پولیونینگ اوچ موردی رویخطگه آلینگن دیگن. بو ایسه اوتگن ییللرگه قرهگنده پولیو سانی آزیگنلیگینی کورسهتیشی ایتیلهدی.
جناب فیروزگه کوره، موسمی شرایط درست بولمهگنلیگی سبب بو دورده بامیان، دایکندی و غور ولایتلریده ایملش دستوری تطبیق ایتیلمهیدی دیگن. شونینگدیک او اوروش تامانلریدن ایملش دستوری تطبیق بولیشی اوچون توسیق یرهتمسلیکلرینی سورهگن.
بیرلشگن ملتلر تشکیلاتی بالهلر صندوقی نینگ افغانستاندهگی نمایندهسی ادلی خضر اهالیدن بو توغریده دولتگه همکارلیک قیلیشلرینی طلب قیلگن.
