خاتین – قیزلرگه قرشی کورهش اوچون تشکیل ایتیلگن مخصوص باشقرهلاوچیلیک مسووللری، قویاش جاری ییل باشلگندن بیری زورانلیککه عاید 2442دوسیهنی تیکشیریب، بولردن 1375تهسی مرکز و ولایتلرده تیکشیریلگن دیدیلر. بولر خاتین – قیزلرگه قرشی مبارزه قیلیش توغریسیده جدی سعی وحرکتلر دامی بار دیگنلر.
عیاللرگه قرشی زورانلیک آلدینی آلیش اوچون مخصوص باشقرهلاوچیلیک نینگ تمیز بولیمی باشلیغی زرغونه مستعفر بوگون (یکشنبه) کابلده اوتکزیلگن مطبوعات ییغینیده، 149 دوسیه مرکزده نهایی ایتیلگن لیگینی معلوم قیلگن. شونینگدیک 157 دوسیه دستلبکی محکمه و 230 دوسیه ایسه تیکشیروو آستیده دیگن.
شونینگدیک خاتین – قیزلرگه قرشی مخصوص کورهش باشقرهلاوچیلیگی نینگ رییسی پروین رحیمی، بولر خاتین قیزلرگه قرشی زوروانلیک خصوصیده کورهشیش اوچون 34 ولایتده مخصوص باشقره لاوچیلیکلر ایجاد قیلگنلرینی تیلگه آلگن. عیاللرگه قرشی زورانلیک میزانینی کمیتیریش مقصدیده بعضی بیر وزیرلیکلر بیلن شرطنامهگه هم قول قوییلگن دیدی خانم رحیمی. اوشبو کیلیشوو اساسیده همکار وزیرلیکلر اهالیگه بو توغریده معلومات بیریش اوچون کومک قیلهدی.
عیاللرگه قرشی کورهش اوچون ایجاد بولگن مخصوص باشقرهلاوچیلیک مسووللری، ایندی بیلیم یورتلرنینگ شریعیات و حقوق بولیمینی بیتیرووچی 244 خاتین – قیز 7 آیلیک اورگهنیش لایحهنی نظرده توتگنلر. بولر اوشبو بولیملرنی بیتیرگندن کیین خاتین – قیزلرگه قرشی کورهش مخصوص باشقرهلاوچیلیککه ایشگه آلینه دیلر دیدی خانم رحیمی.
