بغلان ولایتی نینگ مدنی فعاللری و قطار مکتب اوقووچیلری، پلخمری شهریده مخصوص عیاللر اوچون دینی مدرسه «جامعۀ ام‌المومنین عایشۀ صدیقه» خاتین قیزلرگه افراطیت و اکستریمستلیک‌نی اورگته‌دی دیدیلر.
بغلانلیک مدنی فعال محمدعاطف عارفیان، مذکور مدرسه‌ده 300 خاتین – قیز دینی درسلر بیلن مشغول دیگن. بولرگه افراطیت ینه اکستریمستلیک‌دن درس اوتیله‌دی دیگن عارفیان. اوشبو مدنی فعال، بو مدرسه ده تعلیم کوره دیگن طلبه‌لر تلویزیون کوریش ینه خاتین – قیزلرنی اویدن تشقریده ایش قیلیشی‌گه قرشلر دیگن.
باشقه بیر مدنی فعال عثمان شیرزی، اوشبو مدرسه نینگ مسووللری، بو مدرسه فعالیتلرینی ولایت بولیب کینگیتیریش‌گه اولگورگنلر لیکلرینی ایتگن.
شونینگدیک بغلان بیلیم یورتی نینگ استادی عبدالقیوم شریعتی، ولایت‌ده بونده‌ی مدرسه‌نی فعالیت قیلیشی خانه‌دانلرگه سلبی تاثیر قالدیرگن لیگی توغریسیده اشاره قیلگن. جناب شریعتی، بو قبیل مدرسه‌لرده افراطیت و اکستریمستلیک‌دن درس بیریلیشی باشقه دینی مدرسه‌لرگه نسبتن بدبنلیکلرنی هم آشیرگن دیدی.
بغلان معارف ادار‌ه‌سی‌نینگ باشلیغی محمد پیکان‌نینگ سلام‌وطندارگه ایتیشیچه، بو مدرسه‌ده‌گی افراطیت همده اکستریمستلیک مساله‌لری توغریسیده درس اوتیلیشی‌نی تیکشیریش امنیتی ینه استخاباراتی اداره‌لرنینگ مسوولیتی دیگن.
اونینگ تعبریچه، ولایت‌ده فعالیت قیله دیگن 35 مدرسه رسمی شکلده معارف اداره‌سی آرقه‌لی رویخط‌گه آلینگن. بو مدرسه‌لرده معارف ریاستی نینگ تعلیمی نصابی چهار چوبه سیده درس اوتیلیشی‌دن علاوه مدرسه‌لر معارف ریاستی آرقه‌لی جدی شکلده نظارت ایتیله‌دی.
بو توغریده مذکور مدرسه‌ده درس بیلن شغللنه دیگن قیزلرنینگ فکرینی اورگه‌نیش اوچون آلیب بارگن سعی وحرکتیمیز نتیجه بیرمه‌دی.
« جامعۀ ام‌المومنین عایشۀ صدیقه» مدرسه‌سیده افراطیت و اکستریمستلیک رواجلنتیریش‌نی رد قیلگن مدرسه نینگ مسوولی محمد مصطفی فارح رضوان، ایریم تلویزونلر قوپّال دستورنی ترقه‌تیب خلق ذهنلرنی اوزگرتیریش‌گه اولگوره دیلر دیگن. او، اوشبو مدرسه‌ده قرآن کریم ینه نبوی حدیث‌لریدن باشقه حکومت‌گه قرشی هیچ قنده‌ی بیر مضومن درس بیریلمس‌لیگی اوستیده تاکید قیلگن.
«جامعۀ ام‌المومنین عایشۀ صدیقه» مدرسه‌سی قندوز ولایتی‌ده فعالیت قیله دیگن «اشرف المدارس» مدرسه‌سی نینگ بیر بولیمی ایکن لیگی ایتیله‌دی. اوشبو مدرسه بوندن 3 ییل آلدین خاتین – قیزلرنی افرطیت‌گه ترغیب قیلگن لیگی آرتیدن خبرساز بولگن ایدی.
