.jpg)
استراتیژیکی تدقیقاتلر انستیتوتی باشلیغی داوود مرادیاننینگ ایتیشیچه، افغانستان سیاستی و اجتماع آفتلریدن بیری، نیچه خودبین کیشینینگ قراری و حرکتلرینی تَن آلیشده بولگن.
بیراق، تشقی ایشلر وزیرلیگینینگ اورین باسری نصیر احمد اندیشهنینگ ایتیشیچه، افغانستان قیینچیلیکلریگه چیت ایللیکلر سبب بولهدی.
پنجشنبه کون کابلده مملکت تشقی سیاستلری خصوصیده ملی سوزلشوولر نامیده یولگه قوییلگن ییغینده سوزگه چیققن افغانستان استراتیژیکی تدقیقاتلر انستیتوتی باشلیغی داوود مرادیاننینگ ایتیشیچه، افغانستان اوتگن نیچه ییل جریانیده، سیاستده بولگن نیچه خودبیننینگ تاوانینی توللهیدی.
شونینگدیک، اوشبو ییغینده نطق سوزلهگن ملی خوفسیزلیک عمومی ریاستینینگ سابق باشلیغی امرالله صالحنینگ ایتیشیچه، افغانستاننینگ تشقی سیاستیده ایکی کته قیینچیلیک موجود و بو ایکاوینینگ آرهسیده اویغونلیک کیلگونگهقدر، افغانستان تشقی سیاستیده مؤفق بولمهیدی.
جناب صالحنینگ ایتیشیچه، افغانستاننینگ تشقی سیاستی یخشی بیر شکلده باشقریلمهگن صورتده، منطقهیی قرهمه قرشیلیکلر میزانی آشهدی.
.jpg)
عین حالده، ییغینده سوزلهگن ملی خوفسیزلیک کینگشی سابق مصلحتچیسی رنگین دادفر اسپنتانینگ ایتیشیچه، حاضرگی شرایطده افغانستان قومگرالیکدن اوزاق تینگ تشقی سیاستنی قولگه آلیشی لازم. جناب اسپنتاگه کوره، مملکتنینگ تشقی سیاستی تینگ بولگونگه قدر، قیینچیلیکلر حل ایتیلمهیدی.
خوفسیزلیک کینگشی سابق مصلحتچیسینینگ اورغولشچه، ملی بیرلیک حکومت داعش گروهی خصوصیده منطقه مملکتلرینینگ خواطری توغریسیده بیفرق یاندهشمهسی کیرهک.
بیراق، تشقی ایشلر وزیرلیگینینگ اورین باسری نصیر احمد اندیشهنینگ ایتیشیچه، افغانستان قیینچیلیکلریگه چیت ایللیکلر سبب بولهدی. جناب اندیشه، تشقی سیاستنی تعیین ایتیشده مملکت یشاوچیلری و ایچکی قوریلمهلر بیرلهشینی طلب قیلگن.
جناب اندیشهگه کوره، منطقه مملکتلری، دنیا و منطقه قضیهلریده افغانستاننینگ تشقی سیاستی طرفسیز بولیشینی ایستهیدی.
