قندهار ولایتی‌نینگ صنعت و سوداگرلیک ریاستی مسؤول‌لری‌نینگ ایتیشیچه، جاری ییل اوشبو ولایت هندگه 335 مینگ تُن پیاز صادر قیلگن. اولرگه کوره، اوشبو صادرات‌دن حاضرگه‌قدر کمیده 118 مینگ دالر قولگه کیریتیلگن.
مذکور ریاست مسؤولی علاوالدین حمیدی‌نینگ سلام‌وطندارگه ایتیشیچه، قندهارنینگ پیازی هند دن باشقه مملکت‌لرگه هم صادر ایتیله‌دی. اونگه کوره، ایکینچی‌لرنینگ محصولی یخشی‌لنیشی خصوصیده، جدی شکلده سعی و حرکت قیله‌دیلر و بو توغریده نیچه مرته ایکینچی‌لر بیلن اوچره‌شگن‌لر.
جناب حمیدی، ایکینچی‌لردن قیین‌چیلیک‌لرینی مذکور ریاست بیلن شریک قیلیش‌لرینی سوره‌گن.
اوشبو ولایت ایکینچی‌لری‌نینگ ایتیشیچه، تازه‌لنگن دانه و یخشی کیمیاوی کود اولرنینگ اختیاریده قوییلسه محصوللری کوپه‌ییشی ممکن. اولر حکومت‌دن ایچکی محصولات اوچون بازار تاپیشی و بو ولایت‌نینگ پیازی و باشقه محصولاتی صادر ایتیلیشی‌گه یاردم بیریشینی طلب قیلگن‌لر.
