فراه ولایتیده ایکی کیشینی طالب‌لر آدم اوغیرلش عیبی‌ده خلق حضوریده دارگه اوردی. فراه ولایتی نینگ ولایتی کینگش باشلیغی جمیله امینی نینگ سلام‌وطندارگه ایتیشیچه، بو ایکی شخص ولایت خاک‌سفید تومنی نینگ جمعه بازاریده صحرایی محکمه‌ده آسدیریلگن.
خانم امینیگه کوره، خاک‌سفید تومنی بوتونلی طالب‌لر تصرفیده بولگن و مذکور تومنده طالب‌لر ایسته‌گن ایشلرینی عملگه آشیره آله‌دی و فراه ولایتی نینگ کوپلب قسمی حکومت اختیاریگه ایمس.
فراه پولیس قومندانی توریالی عبدیانی مذکور ایکی کیشی آسیب اولدیریلگن خبرینی تأیید قیلیب ایتیشیچه، طالب‌لر تامانیدن اولدیریله‌دیگنلردن کوپیسی گناه‌سیز. اونگه کوره، کوپلب آدم اوغیرلش عملی‌گه طالب‌لر اوزی شریک.
جناب عبدیانی‌گه کوره، حادثه عامللرینی قولگه آلیش باره‌سیده تلاش باشلنگن.
طالب‌لرنینگ سوزلاوچیسی قاری یوسف احمدی هم بو ایکی کیشینی طالب‌لر آسیب اولدیریلگن خبرینی تأیید قیلیب ایتیشیچه، اولر آدم اوغیرلش عیبی‌ده دارگه اوریلگن.
