حکومت اجراییه ریاستی نینگ ایکینچی اورین باسری محمد محقق بوگون (پنجشنبه) کابلده اوتکزیلگن ییغینلردن بیریده، کونده مملکتده داعش و طالبانگه قرشی اوروشده اونلب حربی هلاک ایتیلهدی، اما، اوروش میدانیده حربیلر بو قوراللی گروهلرنی توختهتیشگه موفق بولگنلر دیگن. جناب محقق، افغانستان مفکورهوی لحاظدن داعش مقابلیده بوش قول بیلن اوروش آلیب بارهدی دیدی.
شونینگدیک جناب محقق، افغانستان و دنیا بویلب افراطیتنی رواجلنتیریش اسلام دینی اوچون ییریک تهدید حسابلنهدی دیدی. اسلام مقدس دینی نینگ دشمنلری اوزاق ییللردن بیری اویلهگن افراطیت برنامهلرینی بوگونکه کونده استه – سیکین عملگه آشیریشگه باشلهگنلر دیگن.
لیکن، افغانستان خلقی دشمنلری مقابلیده دایم غالب چیققنلر دیدی جناب محقق. شونینگدیک جناب محقق داعش حرکتی افغانستان خلقی نینگ اورتهسیده دینی و مذهبی ایرمهچیلیک وجودگه کیلتیریشگه سعی وحرکت قیلماقده لیگی اوستیده تاکیدله گن.
محقق گه کوره، افراطیتچیلر مجسدلر، تکیه خانهلر و مدرسهلرنی هجوم آستیگه آلهدیلر دیگن. او، مسلمانلر هیچ بیر زمان افراطیتنی رواجلنتیره دیگن گروهلر تامانیدن الدنمسلیکلری خصوصیده اورغولهگن.
بوندن آلدین افغانستان ملی مجلسی نینگ اعضالریدن عبدالحفیظ منصور، بیلیم یورتلر، مسجدلر و مدرسهلردن افراطیت مفکورهسنی روالجنتیریش لایحهلر عملگه آشیرله دیدیگن ایدی. جناب منصورنینگ بو قبیل سوزلری مملکت خلقی اینیسقه اجتماعی ترماقلرده کینگ عکسالعمللرگه روپه ره بولگن ایدی.
