ینه بیر بار ملی مدافعه وزیرلیگی نینگ تقاوت و نقیص بولگن افسرلر آیلیکلری بیریلمه گنلیگی اوچون کابلده ناراضلیک بیلدیردیلر. اوشبو عسکرلر مدافعه وزیرلیگی ایشیگی قرشیسیده ییغیلیب جمهور رییسلیک سرایی مصوبهسی اساسیده تقاوت قیلگن حربیلر آیلیگی تولهنیشینی ایستهیدیلر.
مدافعه وزیرلیگی نینگ سابق افسرلر کینگشی عمومی باشلیغی نجیبالله مجاهد مدافعه وزیری و ملی امنیت باشلیغینی تبعیضلی برخورد قیلیشگه عیبلیدی. اونینگ معلوم قیلیشیچه، جمهور رییسلیک سرایی مصوبهسی و وزیرلر کینگشی فیصلهسی اساسیده باید بولرنی ایکی ییللیک آیلیکلری بیریلسه.
اعتراضچیلرگه ایجابی جواب بیریلمهگنده اوز اعتراضلرینی دوام بیریشگه آگاهلنتیرهدیلر.
مدفعه وزیرلیگی سوزلاوچیسی دولت وزیری نینگ سلاموطندارگه ایتیشیچه، ملی اردو سابق افسرلری آیلیکلری تولهنیش اوچون مذکور وزیرلیک اداری و تنقیصی بولیملری بحث اوتکزماقدهلر.
بوندن آلدین هم مذکور وزیرلیک سابق افسرلری آیلیکلری تولنمهگنلیگی دلیل کابلده اعتراض بیلدیرگن ایدیلر.
