جاری هفته پایانیگه قدر شانگهای ییغینی قرغیزستان میزبانلیگیده اوتکزیلیشی کوتیله‌دی. مذکور ییغینده حکومت اجراییه ریاستی نینگ باشلیغی عبدالله‌عبدالله یوقاری مرتبه‌لی بیر هیات رهبرلیگیده اوشبو کنفرانس‌ده اشتراک قیله‌دی. مملکت شانگهای تشکیلاتی اعضا بولیشی مذاکره‌لرنینگ اصلی موضوعی حسابلنه‌دی.
اجراییه ریاستی سوزلاووچیسی نینگ اورین باسری جاوید فیصل، شانگهای تشکیلاتیگه اعضا دولتلر کنفرانسی نومبر آیی نینگ ایکینچی و اوچینچی کونلری قرغیزستان نینگ بیشکیک شهریده اوتکزیله‌دی دیگن. کنفرانس نینگ جریانیده جناب عبدالله امنیت، منطقه‌وی همکارلیکلر و یرهش لایحه‌سی کبی مساله‌لر اوستیده اشتراکچی مملکتلر رهبرلری بیلن اوچره‌شیب بحث قیلیشی ایتیله‌دی.
اجراییه ریاستی سوزلاووچیسی‌نینگ اورین باسری نینگ ایتیشیچه، افغانستاننی شانگهای تشکیلاتیگه اعضا بولیشی اوچون نیچه ییلدن بیری سعی و حرکتلر دوامی بار و «افغانستان تیزلیکده شانگهای تشکیلاتیگه اعضا بولهدی.» جاوید فیصل، افغانستان مذکور تشکیلاتگه اعضا بولیش اوچون ایریم قانونی بولیملرنی عملی قیلگن لیگینی تیلگه آلگن.
بو شانگهای تشکیلاتی نینگ بیشکیک‌ده اوتکزیله دیگن اون بیشینچی دوری حسابلنه‌دی. افغانستان شانگهای کنفرانسیده هنوزگچه کوزه‌تووچی بیر مملکت صفتیده اشتراک قیلیب کیلگن. شونینگدیک افغانستاندن علاوه هند و پاکستان هم بوتشکیلاتگه اعضا بولیشی اوچون سعی و حرکت قیله‌دی؛ اما هنوزگچه هیچ بیری شانگهایگه اعضا بولیشگه موفق بولمه‌گن.
