ایکی کون آلدین غور ولایتیده 30گه یقین تینچ اهالینی داعش جنگریلری اوققه تارتدی. بواولگنلر ارا جانی قوتیلگن 14 یاشر غوثالدین بولگن. او، داعش قندهی قیلیب اولرنی اوغیرلب، اورتاقلرینی اوققه توتگن و اوزی بو حادثهدن قندهی جانینی سلامت آلیب قالگن، برچه قضیهنی کوزی بیلن کورگن.
بوباله نینگ ایتیشیچه، فیروزکوه شهری نینگ کاسی منطقهسیده آیلیک 3500 مینگ افغانی پول برابریده تیزهی تیریش اوچون بارگن ایکن، بیراق اوی تامان قیتیشده یولدن قورالیلر اوغیرلیدی.
غوثالدین نینگ ایتیشیچه، داعش جنگریلری کوزلرینی باغلب آلیب بارگن ییرده 40 کیشیگه ییتر تینچ اهالی بولگن. اونگه کوره، قمراوگه آلینگنلر برچهسی آز پول مقابلیده تاغلرنی گیزیب یورگن ایکینچیلر و تیزهی چیلر بولگن.
بو باله گه کوره، اورتهلریده کورینیشیچه، داعش جنگریلری کیشینی اولدیرماقچی ایمس ایکن، بیراق غلام فاروق ناملی شخصنی اولیم خبرینی ایشیتیشلری بیلن قمراودهگیلر برچهسینی اوققه تارتگنلر.
غوثالدین نینگ ایتیشیچه، مذکور گروه بولرنی اوغیرله گندن سونگ فیروزکوه 40 کیلومترلیگی غلمین منطقهسیده بارگنلر، اما امنیتی کوچلر قرشیلیگی بیلن روپهره بولیب نتیجهده داعش قومندانلریدن غلام فاروق اولدیریلهدی.
مذکور باله نینگ ایتیشیچه، غلام فاروق نینگ اولیمینی ایشیتگن زمان، کیچه ساعت 9ده قمراوده گیلر برچهسینی اوققه تارتگنلر. اما انتقام آلیش غضبلری شدتلیگی سبب غوثالدینگه آتیلگن اوق ایاغیگه تیگیب نتیجهده او یرهلنیب قالهدی. او، داعش جنگریلری شک قیلمسیندیگن نیتده اوزینی اولیم لیککه اورهدی.
اونینگ کوپهیتیریشیچه، دستلب اوققه بیریلگنلردن کوپیسی یرهلنیب قالگن ایکن، بیراق داعش جنگریلری اولرگه ایکینچی مرته اوق اوزیب اولدیرهدی و فقط بولر اوچ کیشی تیریک قالهدی.
غوثالدین نینگ آنهسی رنگین نینگ تورت بالهسی بار ایکن و غوثالدین کته و نان تاپر بالهسی بولگن ایکن. اونگه کوره، غوثگه بیرنرسه بولگنده ایدی، نیمه قیلرینی بیلمس ایدی.
حادثه آرتیدن طالبلر اعلامیه صادر قیلیب بو ایش مذکور گروه ایشی بولمه گنلیگینی معلوم قیلگن. حتی بوگروه حادثه بارهسیده تیکشیروو اوتکزیشلرینی ایتگن.
چمهسی 30 تینچ اهالی اوققه بیریلیش بارهسیده کوپلب یشاوچیلر و ایریم نهادلر قرشیلیک کورستدیلر.
اولدیریلگنلر جسدی اوتگن کون عایله اعضالری، یشاوچیلر و حکومت رسمیلری حضوریده توپراققه تاپشیریلدی.
