فراه مردمی کینگش اعضالری هراتده خبری انجمن اوتکزیب، فراه ولایتیده اوروش شدتلهنیشیدن خواطر بیلدیریب ایتیشلریچه، امنیتی کوچلر و طالبلر اورتهسیده اوروش دوام ایتیش نتیجهسیده مذکور ولایت یشاوچیلریدن 3 مینگ خانهدان یشش بنالرینی ترک قیلگن.
فراه مردمی کینگشی نینگ ایتیشیچه، شهر ایچیده اوروش دوام ایتیشیدن 15 کون اوتهدی و طالبلر شهر اطرافیدهگی قیشللاقلرده فعالیتلری حکومت تامانیدن آلینیب مذکور گروه نابود ایتیشیگه قادر بولمهگن.
فراه مردمی کینگشی اورین باسری سیدافغان افغان نینگ ایتیشیچه، حکومت فراه ولایتیده توجه قیلمهگن و مرکزدن باشقه ییرلر طالبلر نظارتیگه اوتگن.
فراه مردمی کینگش اعضاسی احمدرازق صیفی، محلی رسمیلر اورتهسیدهگی قرمه قرشیلیکلر، گمرکلرده ییریک فساد، قوشنی مملکتلرنینگ بخشآباد توغانی توزهتیلیشیگه ارهلشیشلری فراه ولایتی قیشلاقلری نینگ طالبلر تصرفیگه اوتیش علتلریدن دیب بیلهدی.
بیراق فراه والیسی نینگ سوزلاوچیسی محمدناصر مهری نینگ ایتیشیچه، شهر اطرافیدهگی قیشلاقلر امنیتی کوچلر تامانیدن پاک بولگن و شو حاضر شهر یقینیدهگی قیشلاقلر و پشترود تومنیده اوروش دوام ایتیب کیلماقده.
فراه والیسینینگ سوزلاوچیسی محلی رسمیلر اورتهسیده قرمه قرشیلیکلر بارلیگینی رد قیلیب ایتیشیچه، بخشآباد توغانی توزهلیشیگه قوشنی مملکتلر توسیق چیقهدی، تاپی لایحهسی و چابهار ترانزیتی یولی فراه ناتینچ بولیش علتلریدن سنلهدی.
بوندن آلدین هم فراه یشاوچیلری و ولایتی کینگش اعضالری امنیتی کوچلر ایشلریدن انتقاد قیلیب آگاهلنتیریب، دولت تیزلیکده عملده فراه شهرینی طالبلردن پاک قیلمهگن صورتده شهر سقوط قیلیشی ممکن دیگن ایدیلر.
