مملکت صناعتچیلریدن کوپیسی ناراضیلیک ییغین اوتکزیب صناعتچیلر صرفلهیدیگن برق بهاسی یوقاری کیتگنلیگینی تنقیدله دیلر. بو صناعتچیلرنینگ ایتیشلریچه، تیزلیکده حکومت برق بهاسینی کمیتیرمهگن صورتده، صناعتچیلر و سرمایه یاتقیزووچیلر بیرلیکده ایش تشلیدیلر.
ییغینده قتنشگن افغانستان صناعی اویوشمهسی باشلیغی سخی احمد پیمان نینگ ایتیشیچه، وزیرلرکینگشی، سالیق (مالیه) و اقتصاد وزیرلیگی فیصلهسی اساسیده صنعتچیلر هر بیر کیلوات برق اوچون 6 افغانی تولشلری لازم. اما برشنا شرکتی صنعتی شرکتلر مصرف قیلهدیگن برق بهاسینی 6 افغانیدن 7 یریم افغانیگه کوتارگن.
جناب پیمانگه کوره، حکومت بولرنینگ صرفلهیدگن برقلرینی 6 افغانیدن هم کمیتیریش وعده سینی بیرگن ایدی، بیراق مملکت صنعتچیلری اویوشمهسی خبر قیلینمسدن برشنا شرکتی صنعتچیلر مصرف قیلهدیگن برق هزینهسینی کمیتیرمسدن 7یریم افغانیگه کوتارگن.
افغانستان صناعت اویوشمهسی باشلیغی نینگ معلوم قیلیشیچه، مملکت بویلب 1800 صنعتی شرکت فعالیت قیلهدی و برشنا شرکتی صناعتچیلر اوچون برق بهاسینی کمیتیرمهگن صورتده صنعتچیلر و سرمایه یاتقیزوچیلر ایش تشلگن حالده، افغانستان اقتصادی قیینچیلیکلر بیلن روپهره بولهدی.
بو صناعتچی و سوداگرلر برق معماسی بارهسیده برشنا شرکت رسمیلری صحبت قیلیشگه حاضر بولمهدی.
