بوگون (دوشنبه) ایرته‌لب ساعت 3 اطرافیده، قورال‌لی طالب‌لر خواجه‌غار تومنی اوستیگه هجوم قیلیب و اوشبو تومن‌نی بیر ساعت نظارت‌گه آلگن‌لر. بیراق، امنیتی کوچلر، ایکی ساعت‌لیک آتیشمه نتیجه‌سیده، مذکور تومن‌نی قیته‌دن نظارت‌گه آله‌دیلر.
سلام‌وطندارنینگ محلی خبرچیسی اوروش میدانی‌دن خبر بیره‌دی. خواجه‌غارنینگ 7 کیلومترلیگی‌ده امنیتی کوچلر و طالب‌لر آره‌سیده آتیشمه دوام ایتماقده و طالب‌لر آرقه‌گه چیکلنماقده.
تخار محلی رسمی‌لریدن نقل قیلیب سلام‌وطندار محلی خبرچیسی‌نینگ ایتیشیچه، آتیشمه‌لر نتیجه‌سیده، 6 طالب، 1 پولیس و تخار حاکمی‌نینگ 2 قوروقچیسی هلاک ایتیلگن.
ایتیلیشیچه، خواجه‌غار تومنی‌ده‌گی اوروش‌نی تخار حاکمی رهبرلیک قیله‌دی.
خواجه‌غار اهالیسی‌نینگ ایتیشیچه، قورال‌لی طالب‌لر، مذکور تومن‌نی نظارت‌گه آلگنی‌دن کیین دکان‌لرنی اوتگه یاندیریب و محل اهالیسی‌نی قینَه‌گن. اولرگه کوره، خواجه‌غار اهالیسی‌دن بیرقطاری، طالبلرنینگ قینَه‌شیدن قورقیب، یشش محل‌لرینی ترک ایتیب قوشنی قیشلاق‌لر و تومن‌لرگه بدرغه بولگن‌لر.
