حکومت رهبرلری اورتهسیدهگی قرهمه قرشیلیکلر توغریسیده قطار سیاسی ایش بیلرمانلرنینگ ایتیشیچه، غنی و عبدالله سیاسی کیلیشوو مادهلرینی عملگه آشیریب بو قرهمه قرشیلیکلرگه نقطه قوییشلری لازم.
اولرنینگ ایشانچلریگه کوره، افغانستان ایچکی ایشلریگه تشقی مملکتلرنینگ ارهلشی، ناتینچلیکلر و اوروش دوامی باعث، ملی بیرلیک حکومت کیلیشووی عملگه آشیریلمهگن.
سیاسی ایش بیلرمان سیدجواد حسینینینگ سلاموطندارگه ایتیشیچه، ملی بیرلیک حکومتینینگ ایشی باشلهنیشیدن بو وعدهلر عملی بولمسلیگی بیللی ایدی؛ بیراق اونینگ اورغولشیچه، غنی و عبدالله، حاضرگی جنجللرگه نقطه قوییش اوچون سیاسی کیلیشوونی عملگه آشیریشلری کیرهک.
جناب حسینیگه کوره، جمهور رییس غنیگه یقین قطار کیشیلر، ملی بیرلیک حکومت سیاسی کیلیشووی عملگه آشیریلیشیگه توسیق بولهدیلر.
سیاسی ایش بیلرمانلردن باشقه بیری اسحاق اتمرنینگ ایتیشیچه، حکومت رهبرلری آرهسیده سیاسی کیلیشوو عملی بولیشیگه هیچ بیر اراده یوق دیر، بیراق مملکتدهگی ناتینچلیکلر و اوروش دوامی باعث، ملی بیرلیک حکومت باشلیغلری، کیلیشوونی عملگه آشیره آلمهگنلر.
جناب اتمرگه کوره، سیاسی کیلیشوو عملگه آشیریلیشی خصوصیده، ایکی تاماندن سعی و حرکت قیلینیشی لازم. اوشبو سیاسی ایش بیلرمان، جمهور رییس بیلن اجراییه باشلیغی اورتهسیدهگی قرهمه قرشیلیکلر سببینی اداری ایشلرده جناب غنینینگ قولی آچیقلیگی دیب بیلهدی. اونینگ ایتیشیچه، افغانستان اساسی قانونی بیرینچی حقنی جمهور رییسگه بیرگن. بیراق، اساسی قانونده اجراییه باشلیغیگه هیچ بیر صلاحیت بیریلمهگن.
سیاسی ایش بیلرمانلردن باشقه بیری معین مرستیال، ملی بیرلیک حکومت کیلیشووی تطبیق ایتیلمسلیگیگه جمهور رییس و اجراییه باشلیغینی مسؤول بیلیب ایتیشیچه، اوشبو کیلیشوو عملگه آشیریلمهگن صورتده، مملکت ینگی قیینچیلیککه روپهره بولهدی.
شونینگدیک، مملکت اجراییه باشلیغی عبدالله عبدالله، ملی بیرلیک حکومت سیاسی کیلیشووی عملگه آشیریلیشی اوستیگه تأکیدلگن.
