فاریاب ولایتی کوهستان تومنینینگ ولسوالی، پولیس قوماندانی مردمی کوچ قوماندانی طالبلر قملیده قالگنلر. سلاموطندار ترماغی بیلن تیلفونی علاقه قورگن امامیار تقوانینگ ایتیشیچه، جنگری طالبلر بو تومننی تصروف قیلیش اوچون آلتی کوندن بیر هجوم باشلهگنلر.
اونینگ ایتیشیچه، آلتی کوندن بویان دولت قوراللی مخالفلرینینگ نیچه مرته هجومی ملی کوچلر طرفیدن آرتگه اوریلگن. اما، بوگون (یکشنبه) ایرتلبدن بیری تومننینگ امنیتی رسمیلری طالبلر قورشاویده قالگن.
کوهستان تومنینینگ حاکمی، مرکزی همده ملی حکومت هوادن بو تومنگه حربی کوچ یوبارمهگن حالده، اوزی شامل دولتنینگ بوتون ملازملری قوراللی طالبلر قولیگه توشیب تومن جنگریلر اشغالیگه اوتیشی توغریسیده آگاهلنتیرگن.
جناب تقواگه کوره، آلتی کوندن بیری محلی حکومتدن هوادن حربی قوشین یوباریشنی سورهگن لر؛ لیکن، بیر آز قورال اسلحهدن باشقه همکارلیک قیلمهگنلر.
کوهستان تومنیده محلی رسمیلرنی قوراللی طالبلرنینگ قملیده قالگن لیگینی تصدیق ایتگن ولایت امنیه قوماندانی عبدالنبی الهام، نیچه مرته مرکزی حکومتدن توغریده همکارلیک سورهگنلر؛ بیراق، حکومت مسالهنی کمراق ایشیتگن بو دیدی.
فاریاب پولیس قوماندانیگه کوره، کوهستان تومنیگه هوا آرقهلی حربی قوشین یوباریلیشی اوچون سعی وحرکت بار.
عین حالده، فاریاب ولایت کینگشینینگ اعضاسی صبغتالله سیلاب، کوهستان تومنیگه حربی کوچ همده قورال اسلحه ییتکزیب بیریلمهگن حالده، تومنده انسانی فاجعه روی بیریشی ممکن دیگن.
جناب سیلابگه کوره، کوهستان تومنی قورللی طالبلر اشغالیگه اوتگن تقدیرده، فاریاب ولایتینینگ گرزیوان و بلچراغ و جوزجان ولایتی نینگ ایسه درزآب و قوش تپه تومنلری هم دولت قوراللی مخالفلری نظارتیگه اوتهدی.
