افغانستان فوتبال فدراسیونی کیله‌سی اکتوبر آیده مالزیا بیلن بیر دوستانه اوچره‌شیشدن خبر بیره‌دی.
بیر آی آلدین مالزیا فوتبال تیمی مذکور اوییندن خبر بیرگن ایدی، اما سونگی قرار افغانستان ملی تیمی‌گه قویلگن.
مملکت ملی فوتبال فدراسیونی تامانیدن ترقه‌تیلگن خبرنامه‌ده کیلیشیچه، بو بیله‌شوو افغانستاننی لبنان برابریده بوله‌دیگن رقابتیدن سونگ نظرده توتیلگن.
مملکت ملی تیرمه جماعه‌سی مالزیا تیمی بیلن ایلکبار بیله‌شووگه چیقیشه‌دی. ایکی تیم اویینلری اکتوبر 11 ده بولیشی ممکن.
افغانستان و مالزیا تیم‌لری اوچره‌شووی محلی وقت بیلن توشدن کیین ساعت 3 ده کوالالامپور شهری و ملی سپورت میدانیده بیله‌شوو بولیب اوتیشی کوتیله‌دی.
نیچه آی بولردی مملکت ملی تیرمه جماعه‌سی هیچ بیر مملکت بیلن دوستانه اویینگه چیقمه‌گن ایدی و سپورت تحلیل‌چیلریگه کوره، شو سبب افغانستان دنیا سپورتی حساباتیگه 156لمچی اوریننی ایگلله‌گن. بیراق مالزیا فوتبال تیمی سونگی بیر آدیم آلغه باریشی بیلن 173لمچی اوریننی ایگلله‌گن.
