خلق ارا دنیا بویلب تیرمه جماعهچیلیک (فیفا) باشلیغی سپ بلاتر نیچه پیت آلدین بیشینچی مرته باشلیغ بولیشگن ایدی، اوتگن کون بیر خبری ییغینده مذکور ایشدن چیتلهنیشی خصوصیده قرار آلدی.
فیفا ادارهسیده کینگ کولمده فساد موجودلیگی و پاره خورلیک حجتلری فاش ایتیلگندن کیین، امیریکه سنامجلسی و «اف بی آی» تشکیلاتی فیفادهگی پاره خورلیک و فسادچیلر قولگه آلینیشینی سورهگن ایدی.
فیفا ادارهسیده ناقانونی پول یوویش و پارهخورلیک حجتلری فاش ایتیلگندن کیین دنیا بویلب جنجللر چیقیشیگه سبب بولدی؛ شو اوچون کوپلب فیفا ایشلاوچیلری امیریکه باشقرلاوچیلیک وزیرلیگی بویروغی اساسیده قولگه آلیندی.
79 یاشر سپ بلاتر فیفا ادارهسی نینگ 17 ییل باشقریشی بیلن اونلرچه مرته پاره خورلیک و معامله گرلیکلرگه عیبلنگن ایدی، اما او مذکور ادعالرنی رد قیلگن.
جنوبی آفریقا کوندهلیکلریدن بیریگه مذکور اولکه تیرمه جماعهسیدن فیفا حقیدهگی سونگی مالی افلاسگرچیلیکلرحقیده فاش ایتیلگن حجتده میلادی2008-ییل جنوبی افریقا تیرمه جماعهسی نینگ رسمیلری کونکاکاف( شمالی امیریکه تیرمه جماعه اتحادیهسینینگ کنفدراسیونی و کارائیب) 10 میلیون دالر پاره بیرگنی معلوم قیلینگن.
امیریکه محکمهلریدن بیری، فیفا بلند مرتبهلی اعضالریدن 14 ته سیگه دوسیه تشلب اوتگن هفته بولردن 7 ته سی قولگه آلینشی صارد ایتیلگن.
ایتیلیشیچه، مذکور 7 کیشیلر ایچیده خلق ارا فیفا اورین باسرلری نینگ نامی هم موجود.
امیریکه باشقرلاووچیلیک وزیرلیگیگه کوره، بو 14 کیشی دنیا بویلب اوتمیش 24 ییل مابینیده 150 میلیون دالر پاره آلیشگه عیب له نیب قولگه آلینیشلری صادر ایتیلگن.
امیریکهلیک رسانهلر امیریکهلیک رسمیلر قیدیریشلری یوزهسیدن فیفا اداره سیدهگی یوکسک افلاسگرچیلیکلر بارهسیده معلومات بیریب ایتیشیچه، مذکور دوسیهلر ارا سپ بلاتر نی هم نامی کیریتیلگن لیگیدن خبر بیریلگن.
اوتگن کون جناب بلاتر بیرخبری ییغینده دنیا فوتبال تیرمه جماعهسی بنیادی اوزگریشگه احتیاج بار دیگن.
