بوگون (چهارشنبه) ساعت 10 اطرافیده جنگریلردن تورتهسی غزنی ولایتینینگ استیناف محکمهسیگه هجوم قیلگن. هجومچیلردن بیری اوزینی محکمه صحنیده پارتلهتگن و باشقه اوچتهسی ایسه، محکمه قوروقچیلریدن بیرینی اولدیرگن. اما نیچه دقیقه توقنهشوودن سونگ امنیتی کوچلر هجومچی شخصلرنی نابود قیلیشگه موفق بولگن.
هجومچیلر استیناف محکمهسیگه هجوم قیلمسدن آلدین، پارتلش مادهسی بیلن تولدیریلگن بیر موترنی محکمه یقینیده پارک قیلگن. شو حاضر امنیتی کوچلر مذکور موترنی بیکار قیلیشگه اولگورهدی.
غزنی پولیس باشلیغی جنرال امینالله امرخیل نینگ معلوم قیلیشیچه، حادثهده پولیس کوچلریدن بیرکیشی اولدیریلگن و باشقه بیرکیشی هم یرهلنگن.
استیناف محکمهسی ایشلاوچیلری نینگ ایتیشلریچه، محکمه باشلیغی هم یرهلنگن، بیراق امنیتی کوچلرنینگ معلوم قیلیشلریچه، استیناف محکمه ایشلاوچیلریدن هیچ بیریگه ضرر ایتمهگن و بولر، محکمهده جنگریلر یوروش قیلیشی بیلن محکمه ایشلاوچیلرینی چیقاریشگه موفق بولگنلر.
