اوز نامی فاش ایتیلمس لیک شرطی بیلن سلام وطندارگه معلوم قیلگن حکومت نینگ بیر منبعی، 500 کیلوولت برق ییتکزیلیشی اوچون تشکیل ایتیلگن تیکشیروو کمیسیون بو لایحه سالنگ لر یولی آرقه لی عملگه آشیریلیشی توغریسیده گی قرارینی اعلان قیلدی.
ترکمنستان دن افغانستانگه آلیب کیلینه دیگن برق لایه سی نی تیکشیریش اوچون تشکیل بولگن کمیسیون نینگ ایشی اوز پایانیگه ییتدی.
مملکت اقتصاد وزیری همده بو کمیسیون اعضاسی بوگون (سه شنبه) کمیسیون بو باره ده گی تیکشیرونی تمام قیلدی دیگن.
او، کمیسیون نتیجه نی جمهور رییس گه تاپشیرگن لیگینی ایتگن. اونگه کوره، بو توغریده گی سونگی قرارنی جمهور رییس اوزی اعلان قیله دی. اوشبو برق لایحه سی قیسی ولایتلردن اوتکزیلیشی توغریسیده بیرار نرسه دیمه گن اقتصاد وزیری کمیسیون نینگ قراری برچه اوچون قانیقرلی بولیشیدن ایشانچ بیرگن.
جناب مراد، ترکمنستان دن آلیب کیلینه دیگن برق لایحه سیدن مرکزی ولایت لرنینگ اهالی سی گه هم ییترلی درجه ده برق بیریله دی.
ترکمنستان دن افغانستانگه آلیب کیلینه دیگن 500 کیلوولت برق مملکت ده ییریک اعتراض لرگه سبب بولدی. مملکت نینگ بیر قسمی اینیقسه مرکزی ولایت لرنینگ اهالی سی اوشبو لایحه بامیان یولی بیلن عملگه آشیریلیشی اوستیده تاکیدلب نمایش اوتکزدیلر.
لیکن، خوست، لوگر و پکتیکا ولایت لرنینگ خلقی بو پروژه سالنگ لر یولی ارقه لی آلیب کیلینیشی اوستیده اورغولب، اعتراض بیلدیر دیلر.
افانستان جمهور رییسی بوندن اون کون آلدین، ترکمنستان دن افغانستان گه آلیب کیلنه دیگن برق لایحه قیسی یول بیلن اوتکزیلیشی تیکشیریلیشی اوچون مخصوص کمیسیون قورگن ایدی.
12 کیشی لیک کمیسیون نینگ آلیب بارگن تیکشیرولری جمهور رییس غینی گه تاپشیریلیشی انابت گه آلینگن. کمیسیون نینگ قراری افغانستان جمهور رییسی تامانیدن رسمن اعلان ایتیلیشی کوتیله دی.