.jpg)
افغانستان ملی مجلسی بوگون (شنبه) قیسقه بیر بیانات بیریش بیلن، جمهور رییس‌غنی نطق سوزلیدیگن پیت‌ده افغانستانلیک بیر قنچه مهاجر اعتراض بیلدیرگن‌لیگی‌نی اساس‌سیز، منطق‌گه ضد، و مدنی بیر اعتراض ایمس دیب قتیق قارهلهگنلر.
اوتگن هفته پنج‌شنبه کونی افغانستان جمهور رییسی محمد اشرف‌غنی لندن‌ده "روسی" تحقیقات مرکزیده نطق سوزله‌گن پیت‌ده افغانستانلیک بیر قینچه مهاجرلر جمهور رییس یالغانچیلیک‌که عیب‌له اونینگ صحبتیگه خَلخت بیرگن ایدی. اجتماعی ترماقلرده قولمه قول بولگن فوتو صورت‌لرده جمهور رییس تَن ساقچی‌لری بیلن اعتراضچ‌لرنینگ توقنه‌شیب تورگن‌لیگی کوزه‌تیله‌دی.
ملی مجلس‌نینگ باشلیغی عبدالرووف ابراهیمی، بوگون مجلس‌نینگ عمومی ییغینی‌ده افغانستان جمهور رییسی محمد اشرف‌غنی مملکت خلقی نماینده‌لیگی‌ده بریتانیاگه سفر قیلگن، اونینگ حقارت بولیشی در حقیقت افغانستان اهالی‌سی نی حقارت قیلیش دیگن.
اما، میدان وردک ولایتی‌نینگ ملی مجلس‌ده‌گی وکیلی غلام‌حسین ناصری، دیوید کامرون صحبت‌لرینی ایسلب، جمهور رییس‌غنی بریتانیا گه سفر قیلمس‌دن آلدین او مملکت باش وزیری تامانیدن حقارت ایتیلگن ایدی دیگن.
.jpg)
بریتانیا باش زویری دیوید کامرون بریتانیا ملکه‌‌سی بیلن بولگن مخصوص صحبتی‌ده، افغانستان و نجریه‌نی اینگ فسادگه باتگن مملکت بولگن لیگی‌نی تیل‌گه آلگن ایدی.
عین حالده، نماینده‌لر مجلسی بیانات‌نینگ باشقه بیر قسمی‌ده، بریتانیا باش وزیری‌نینگ افغانستان فسادگه باتگن‌لیگی توغریسی‌ده تیل‌گه آلگن سوزلرینی دیپلوماتیک اصول‌لرگه قرشی دیب، بو اظهارات‌لر دنیا تامانیدن تن آلینگن معیار همده افغانسان خلقی‌نینگ دین و ملی قدریت‌لریگه ضد بولگنی یازیلگن.
اما، اوشبو عکس‌العمل‌لرگه قره‌می، ترکمنستان‌دن آلیب کیلینه دیگن 500 میگوات برق بامیان یولی بیلن اوتکزیلمی سالنگ‌لر یولی‌دن اوتکزیلشی‌گه مخالفت بیلدیلریب، مجلس‌نینگ اونلب اعضاسی ییغین‌نی ترک قیلگن‌لر.
مذکورنماینده‌لر ترکمنستان‌دن کیلتیریله دیگن برق لایحه‌سی باره‌سی‌ده ملی بیرلیک حکومتی نینگ کابینه‌سی آلگن قرارنی کمسیتیش دیگن‌لر.
