.jpg)
قندوز یشاوچی‌لریدن بیرقطاری، شهرده‌گی اخلت تشلاوچی قوطی‌لر ایچیده ماین ییرلشتیریشی‌دن قورقیب، اَخلَت تشلاوچی قوطی‌لرنی کیچه تاماندن دُکانلرینی اونگیدن اوزاقلشتیره‌دی. کوندوز تاماندن هم یشاوچی‌لر اَخلَت تشلاوچی قوطی‌لردن اوزاق یوریب و اَخلَت‌لرینی باشقه ییرلرده توکه‌دی. بو ایش قندوز شهردارلیگی اوچون جدی قیین‌چیلیک یره‌تگن. قندوز شهردارلیک ریاستی‌نینگ ایتیشیچه، اَخلَت تشلاوچی قوطی‌لرده ماین ییرلشتیریلیشی‌دن قورقیش سبب، اَخلَت تشلاوچی قوطی‌لر شهرنی ایریم قسمت‌لریدن یوقالگن.
محل رسمی‌لرگه کوره، اوتگن بیر آی‌ده شهرده‌گی اَخلَت تشلاوچی قوطی‌لرده جایلشتیریلگن ماین‌لر پارتله‌شی نتیجه‌سیده، 6 تینچ اهالی یره‌لنگن.
قندوز شهری‌نینگ دُکاندارلری بیر تاماندن اَخلَت تشلاوچی قوطی‌لردن قورقه‌دی و باشقه بیر تاماندن شهر ایچیده کونسایین اَخلَت کوپه‌ییشی‌دن شکایت قیله‌دیلر. بیراق قندوز شهرداری‌نینگ ایتیشیچه، دُکاندارلر تعیین ایتیلگن ییردن اَخلَت تشلاوچی قوطی‌لرنی اوزاقلشتیریب، نه فقط یشاوچی‌لرنی خواطرلنتیره‌دی، بلکیم خیابان چیککه‌سی و اریغچه‌لر ایچیده اَخلَت ییغیلیشی‌گه سبب بوله‌دیلر.
قندوز شهرداری نجیب‌الله عمرخیل‌نینگ ایتیشیچه، اخلت تشلاوچی قوطی‌لردن کوپینچه‌سی کیچه تاماندن دُکاندارلر آرقه‌لی خیابان‌لر چیککه‌سیدن اوزاقلشتیریله‌دی، نیچه کوندن کیین، شهردارلیک ایشچی‌لری شهرنی بیر چیککه‌سیدن تاپه‌دیلر.
.jpg)
قندوز ولایتی شهردارلیک ریاستی‌نینگ رقم‌لری اساسیده، اوتمیش‌لرده شهر بوییچه 300 دن آرتیق اَخلَت تشلاوچی قوطی بار ایکن، بیراق حاضر چمه‌سی 100 اَخلَت تشلاوچی قوطی قالگن.
عین حالده، قندوز ولایتی‌نینگ امنیه قومندانی جنرال محمدقسیم جنگل‌باغ‌نینگ ایتیشیچه، یوزمه یوز اوروش‌ده طالب‌لر مغلوب ایتیلگن و انه شو سبب، اوشبو گروه اَخلَت تشلاوچی قوطی‌لر ایچیده ماین ییرلشتیره‌دی.
قندوز شهرداری‌نینگ ایتیشیچه، شهردارلیک ریاستی‌نینگ ایشچی‌لری کم‌لیگی یانیده، جمعیت سانی هم آرتیق بولگن. قندوز شهری 70 مینگ یشاوچی اوچون توزه‌لگن؛ بیراق حاضر 400 مینگ‌دن آرتیق یشاوچی یشه‌یدی.
شهر بوییچه اَخلَت تشلاوچی قوطی یوقلیگی و کسلخانه‌لر بیلن اوی‌لردن چیقاریلگن اَخلَت‌لر میزانی کونسایین آشیشی، ساغلیک وضعیتی و قندوز یشاوچی‌لری‌نینگ شهری مدنیتی اوستیگه سلبی تأثیر تشله‌گن.
