.jpg)
بوگون (دوشنبه) بلوچ یاشلرینینگ کینگشی ییللیک ییغینیده، حکومتنینگ قومی سیاستیدن جدی صورتده تنقیدقیلیب ایتیشیچه، حکومت افغانستان بلوچلرینی بوتونلهی ایسدن چیقاریب و اولرگه حق بیرمهیدی.
بلوچ یاشلرینینگ کینگشی باشلیغی غفار باتورنینگ ایتیشیچه، دیمک اوتگن 14 ییلده حکومت مذکور قوم خصوصیده بی فرق یاندهشگن، بیراق اولر کوچلی اراده بیلن 93- سیلاویده اشتراک ایتیب و ملی بیرلیک حکومت باشلیغلریگه آواز بیرگنلر. جناب باتورنینگ کوپهیتیریشیچه، حاضر اولر حکومتدن کمیده بلوچ یاشلری اوچون ایش زمینهسی یرهتیشینی سورهیدی.
حکومتدارلیک تیزیمیده قطار بلوچلر تعیین ایتیلیشی و بلوچ یاشلریگه تحصیلی بورسیهلر اجرهتیلیشی اوشبو کینگشنینگ اساسی ایستکلریدن دییلهدی.
شونینگدیک، اوشبو ییغینده سنامجلسینینگ اعضاسی محمدنادرخان بلوچ اشتراک ایتیب، سوزلری جریانیده ملی بیرلیک حکومت باشلیغلریگه خطاب ایتیشیچه، حکومت ایکی میلیوندن آرتیق نفوسی بولگن قومنی قولیلیککه کوزدن کیچیرهآلمهیدی. جناب بلوچ، برچه قوم و گروهلرنینگ حقیگه اشاره قیلیب ایتیشیچه، بلوچ قومی اوچون اجتماعی عدالت بوتونلهی عملگه آشیریلیشی لازم.
ییغین اداغیده، مدنیت و معلومات وزیرلیگینینگ یاشلر ایشلری بوییچه اورین باسری کمال سادات، بلوچ قومینینگ یاشلریگه سوزبیریب و حکومت اولرگه هرتامانلمه یاردم بیریشینی تیلگه آلدی. جناب ساداتنینگ اورغولشیچه، ملی بیرلیک حکومتینینگ نظریده قومی مسئلهلر ایمس، بلکیم ظرفیت و تخصصی معیارلر اوستون تورهدی.
