افغانستان عالی تینچلیک کینگشینینگ اورین باسرینینگ سلاموطندارگه ایتیشیچه، طالبلر بیلن بی واسطه مذاکره اوتکزیش اوچون پاکستان جوابینی کوته دیلر.
عالی تینچ لیک کینگشینینگ اورین باسری عطا رحمان سلیمنینگ سوزلریگه کوره، پاکستان طالبلر قوماندانلرینی تینچلیک مذاکرهسیگه حاضر قیلیش اوچون بیرگن سوزیگه عمل قیلیشی ضرور.
سلیم، پاکستان طالبلر رهبرینی تینچلیک مذاکرهسیگه حاضر قیلیشگه موفق بولمهگن حالده، امریکه و چین حکومت تامانیدن جدی تنقید آستیگه قالیشنی تیلگه آلگن.
افغانستانده تینچلیک اورنهتیش گروهینینگ تورت تامانلمه ییغینی افغانستان، پاکستان، چین و امریکه نمایندهلری اورتهسیده اوتگن ییل قیشده باشلنگن ایدی.
تورت تامانلمه ییغینده افغانستان دولتی و طالبلربیلن مذاکره قیلیشنینگ یول خریطهسی اوستیده بحث آلیب باریلگندی.
بو گروهنینگ سونگی مرته کابلده اوتکزگن یغینیده افغانستان حکومتی قوراللی گروهلری همده طالبلردن تینچ لیک لایحهسیگه قوشیلیشنی دعوت ایتگن ایدی.
لیکن، بو ایستککه گلبدالدین حکمتیار رهبرلیگدهگی حزب اسلامی ایجابی جواب بیریب، اوتگن هفته نمایندهلرنی کابلگه یوبارگن ایدی.
بو حزب حکومت بیلن تینچلیک مذاکره اوتکزیش اوچون تیار ایکن لیگینی اعلان قیلدی.
سیاسی تحلیلچی وحید مژده، طالبلر بیلن مذاکره اوتکزیش اوچون هنوزگچه بیرار کیلیشوگه ایریشیلمهگن دیگن.
