ملی مدافعه، ایچکی ایشلر و ملی خوفسیزلیک اداره‌سی‌نینگ نماینده‌لری بوگون سنا مجلسی‌نینگ عمومی ییغین‌گه چقیریلگن ایدی‌لر.
مجلس‌نینگ عمومی ییغین‌ده افغانستانلیک سناتورلر مملکت‌نینگ بوتون ولایت‌لریده خوفسیزلیک میزانی آشگن‌لیگی اوچون مملکت امنیتی اداره‌لر مسووللرینی تفاوت سیزلیککه عیبله گن‌لر.
شونینگدیک سناتورلر، پایتخت کابل‌ده جنایی جرم‌لر همده زوروان‌للیک آشگنی توغریسی‌ده خواطر بیلدیرگن‌لر.
سناتولردن شیرمحمد آخندزاده‌نینگ سوزلریگه کوره، مملکت‌نینگ 5 ساعت‌لیک مصافه‌ده بولگن ولایت‌لری اره‌لیغی‌ده امنیت تامین ایتلیشی اوچون پولیس کوچلری بولمه‌گن.
شونینگدیک الله‌داد اندر، افغانستان ایچکی ایشلر وزیرلیگی‌نینگ سرپرستی بو قیین چیلیک‌لرگه پایان بیریلیشی اوچون ملی پولیس کوچلری سانی آشیریلیشی اوچون تاکیدله‌گن.
بوگون (سه‌شنبه 3 حمل) مملکت سنا مجلسی تامانیدن ملی اردونینگ ارکان رییسی جنرال عبدالله‌خان، ایچکی ایشلر وزیرلیگی‌نینگ اورین باسری و ملی خوف‌سیزیلیک ادراه‌سی‌نینگ ولایتی مساله‌لر بوییچه اورین باسری‌لری چقیریلگن ایدی.
عبدالله‌خان، افغانستان ملی کوچلری 1394- ییلده دییرلی تجربه آرتیرگن لیکلرینی ایتگن. اونگه گه کوره، افغانستان‌نی اوز اشغالی‌گه آلیش‌نی تصور قیله دیگن جنگریلر بیلن ملی کوچلر جدی اوروش ده‌لر.
افغانستان امنیتی اوچون تشویش بیلدیرگن سناتورلر، افغان ملی کوچلری دییرلی جهازلنمه گن‌لیگی اوچون اخیرگی وقت‌لرده مملکت‌نینگ چیگره حدودلری پاکستان حربی‌لری تامانیدن راکت هجومی آستیگه آلینگن لیگینی بیلدیرگن‌لر.
ایچکی ایشلر وزیرلیگی‌نینگ اورین باسری عبدالرحمان رحمانی، هرات، نیمروز و باشقه قطار ولایت‌لر مرکزی‌نینگ عمومی وضعیتی قانیقرلی ایکن لیگینی ایتگن. بیراق، هنوز هم غزنی، پکتیکا، بدخشان و فراه ولایت‌لریده امنیتی تهدیدلر موجودلیگی نی رد قیلمه گن عبدالرحمان رحمانی.
شونینگدیک جناب رحمانی، کابل شهری‌نینگ خوفسیزلیک حوزلرده نابرقرارلیک میزانی 15،4،2، 11، فایز یوقاری کیتگن دیگن.
ایچکی ایشلر وزیرلیگی‌نینگ مذکور بلند مرتبه‌لی رسمیسی، افغانستان نینگ بوتون ولایت‌لریده مخصوص پولیس کوچلری ایجاد ایتلیشی اوچون خبر بیرگن. بوندن آلدین 23 ولایت ده پولیس‌نینگ مخصوص قطعه‌سی تاسیس ایتیلگن ایدی.
سنا مجلسی‌نینگ بوگونکه ییغین افغانستان ملی امنیت اداره‌سی ولایت‌لر ایشلری بوییچه اورین باسری متین بیک سوزلری باشله‌نیشی بیلن مجلس سر اوتکزیلگن.
