.JPG)
جمیله ناملی عیال بیش آی آلدین فاریابده، جنسی زورلهیدیگنلری اوستیگه هجوم قیلیب، اولردن بیرینینگ اولدیرگن. اونینگ ایتیشیچه، دوسیهسی قضایی ادارهلرده قالگن و بو دوسیه قچان عملگه آشیریلیشی معلوم ایمس.
جمیله حاضر 80 یاشر ایری و آلتیدن 10 یاشیده بولگن بالهلری بیلن گرزیوان تومنیدن فاریاب ولایتینینگ مرکزی میمنه کیلگن. اونینگ ایتیشیچه، فاریاب ولایتینینگ محلی رسمیلری، امنیتی و قضایی ادارهلری دوسیهسینی تیزلیکده تیکشیرمهگن صورتده، گرزیوان تومنیگه قیتگنیدن کیین، اوزی و فرزندلرینی تانک آستیگه تشلهیدی.
جمیله، جنسی زورلهیدیگنلریدن بیری محمد حسن، مذکور قضیهده یرهلنیب و انچه مدتدن کیین، قماقخانهدن چیقیب آزاد یوریشیدن قورقهدی. جمیلهگه کوره، گرزیوانگه قیتگن صورتده، محمد حسننینگ قرینداشلری تامانیدن اولدیریلیشی ممکن.
.JPG)
شونینگدیک، جمیلهنینگ ایری ملا مصرینینگ ایتیشیچه، جمهورلیک ریاستی سیلاویده اشرف غنی و عبداللهگه حکومت باشلیغلری صفتیده اجتماعده عدالتنی تأمینلب و چارهسیزلرنی سوزیگه قولاق توتیش اوچون آواز بیرگن. بیراق اونگه کوره، تورموش اورتاغینینگ قضیهسیدن نیچه آی اوتهدی، بو قضیه بیر ییرگه ییتیشی اورنیده، محمد حسن قماقدن قوییب یوباریلگن.
بیراق، فاریاب ولایتینینگ حاکمی سید انور ساداتنینگ ایتیشیچه، حاضرگچه اوزی اوچ مرته جمیله بیلن صحبتلشگن و هردایم احوالینی سورهگن. فاریاب حاکمینینگ کوپهیتیریشیچه، جمیله و عایلهسی امنیتی کوچلر نظارتیده بولگن و هیچ بیر خطر اولرنی تهدید قیلمهیدی.
.JPG)
شونینگدیک، فاریاب ولایتینینگ قرهمه قرشیلیکلرینی حل ایتهدیگن محکمه باشلیغی صبغتالله مشفقنینگ ایتیشیچه، جمیلهنینگ دوسیهسی حاضرگچه گرزیوان تومنیدن بو ریاستگه کیلمهگن و بو دوسیه محکمهگه ییتیشگن صورتده، قانون اساسیده تیزلیکده تیرگاوگه آلینهدی.
ایکی قوراللی اوغری کمیده بیش آی آلدین، دره شاخ قیشلاغیده کیچهنی یریمیده جمیلهنینگ اوییگه کیریب و اونی اوستیگه جنسی زورلشگه قصد قیلگن. بیراق جمیله تفنگچهدن فایدهلنیب مذکور ایکی کیشیدن بیرینینگ یرهلنتیریب و بیرینی آتیب اولدیرگن.
