فاریاب ولایتینینگ محلی بلند مرتبهلی رسمیلری، قوراللی طالبلر ولایتگه قرهشلی خواجه سبزپوش تومنیده بیر قیزنی ایرکک اورتاغی بیلن آتیب اولدیرگن لیگی بارهسیده خبر بیرگنلر.
خواجه سبزپوش تومنینینگ ولسوالی عبدالله معصومینینگ سلاموطندار رادیوسیگه ایتشیچه، 25 یاشلی «مینگجمال» و 20 یاشر عزیزالله توننینگ یریمیده نا معلوم قوراللی شخص لر طرفیدین اولدیریلگنلر.
جناب معصومیگه کوره، غذاری قیشلاغینینگ یشاووچیسی بولمیش عزیزالله، تونینگ یریمی@ده ساعت 2:30 قیز اورتاغینینگ اوییگه بارگن. ایتیلیشیچه، قیزنینگ اویی ینگی قلعه قیشلاغیده جایلشگن. قیز بیلن یاش ییگیت دستلب قوراللی طالبلر آرقهلی قولگه آلینیب سونگ آتیب اولدیریلگن.
شونینگدیک تومن ولسوالی، مذکور ایرکک بیلن قیز اولدیریلیشی اوچون محل دهگی پولیس عسکرلرینینگ قولی بارلیگی نی رد قیلمهگن. اما، حادثه کوپراق قوراللی طالبلرگه تاقیلگن.
هنوزگچه قوراللی طالب تامانی بو توغریده بیرار نرسه دیمهگن.
فاریاب ولایتیده انسان حق و حقوق ادارهسی واقعهنی قارهلیب، ناموسی قتل اوتگن ییللرگه قرهگنده آشگن لیگینی اظهار ایتگنلر.
فاریاب انسان حق وحقوقلری بوییچه ادارهنینگ باشلیغی سید حفیظالله فطرنینگ سوزلریگه قرهگنده، قویاش جاری ییل باشلندگندن بیری هنوزگچه زوروانلیککه عاید 160 مورد رویخطگه آلینگن. جمله 20 موردی ایسه ناموسی قتللر بولگن.
سونگی وقتلرده افغاسنتان شمالیده جایلشگن فاریاب ولایتی عیاللرگه قرشی زوروانلیکنینگ گواهی بولماقده. بوندن اوچ هفته آلدین هم ولایتنینگ دولت آباد تومنیده بیر ایرکک 17 یاشر قیزی بیلن 23 یاشیده بولگن بیر یاش ییگیتنی اولدیرگن ایدی.
شونینگدیک بوندن ایکی آی آلدین فاریاب ولایتینینگ غورماچ تومنینینگ یاشووچیسی تورموش اورتاغی "ریزهگل» نی نینگ بورنینی کسیب آلگن ایدی.
