.jpg)
افغانستان ملی امنیت ریاستی، بامیان ولایتی‌ده آغیر و یینگیل قورال بیکتیریلگن بیر اورین تاپیلگنی‌دن خبر بیره‌دی.
بوگون (یکشنبه) خبری بیر انجمن‌ده سوزگه چیقگن ولایت ملی امنیت ریاستی باشلیغی حیات‌الله روستازاده‌نینگ ایتیشیچه، اوشبو بیکتیریلگن ییردن نقلیه واسطه و کیشی‌لرگه قرشی کوپینچه ماین، اوق و راکت قولگه کیریتیلگن.
عین حالده، افغانستان‌نینگ مرکزی منطقه‌لریده داعش و قوراللی طالبلرنینگ بارلیگی توغری‌سیده مُش مُش‌لر موجود. بیراق بامیان ولایتی‌نینگ محلی رسمی‌لری، اوشبو مُش مُش‌لرنی خلق اورته‌سیده دولت‌گه قرشی قوراللی عصیانچیلرنینگ روحی اوروشی و تبلیغ‌لری دیب بیله‌دی.
.jpg)
شونینگ‌دیک، قطار کیشی‌لر، اوشبو ییراق دن چیقاریلگن قورال‌لرنی ایران مملکتی‌گه تیگیشلی دییدی. بیراق اوشبو موضوع حاضرگچه رسمی شکلده تصدیق‌لنمه‌گن.
بو توغریده بامیان ولایتی‌نینگ والیسی محمدطاهر زهیرنینگ ایتیشیچه، کوکلم موسومی باشله‌نیشی‌ده داعش و قوراللی طالب‌لر شونده‌ی ییراق‌لردن فایده‌لنیب فعالیت‌لرینی قیته‌دن باشله‌یدی، بیراق امنیتی کوچلر اولرنینگ لایحه‌لریگه توسیق بولیش اوچون تیارگرلیک آلگن.
جناب زهیرنینگ ایتیشیچه، بامیان یشاوچی‌لری امنیتی کوچلرنینگ توانالیگی‌گه ایشانه‌دی و اوشبو کوچلر هیچ قچان دولت‌گه قرشی قوراللی عصیانچیلرنینگ فعالیت‌لریگه رخصت بیرمه‌یدی.
بامیان مملکت بویلب تینچ ولایت‌لردن بیری سنله‌دی و محلی رسمی‌لرنینگ ایتیشیچه، مذکور ولایت‌ده هیچ بیر مخالف گروه‌نینگ قورال سقلنمه‌سی و قرارگاه‌سی یوق دیر.
