.jpg)
ننگرهار ولایتی‌ده چیگره پولیس رسمی‌لری‌نینگ ایتیشیچه، بوگون (یکشنبه) ایرته‌لب‌دن حاضرگچه پاکستان حربی‌لری تورخم‌ده افغانستان چیگره پولیس کندکی اوستیگه 14 موشک آتگن. اوشبو رسمی‌لرگه کوره، حاضرگچه ایکی موشک چیگره پولیس قرارگاهی ایچیده توشگن.
تورخم‌ده چیگره پولیس کمیسری رحیم‌الله سهاک‌نینگ سلام‌وطندارگه ایتیشیچه، اوشبو موشک‌لر دیورند چیغی‌نینگ او تامانی غورکی منطقه‌سیدن پاکستان حربی قرارگاهی‌دن آتیلگن.
جناب سهاک‌نینگ ایتیشیچه، موشک آتیش‌لر دوام ایتماقده و حاضرگچه قربان‌لیک‌که سبب بولمه‌گن.
.jpg)
سهاک‌نینگ ایتیشیچه، چمه‌سی بیر آی آلدین، پاکستان حربی‌لری تورخم دروازه‌سی یقینیده بیر ترمینال قوریش‌گه قصد قیلگن ایکن و شونینگ‌دیک چیگره‌نی او تامانیدن بیر سیستم قوریب، برچه یامغیر و لای سوولرنی افغانستان توپراغی‌گه باشقیریش‌نی ایسته‌گن‌لر، بیراق ایکی مسئله‌گه هم افغانستان چیگره چیلری‌نینگ قرشی‌لیگی‌گه روپه‌ره بولگن. سهاک‌گه کوره، حاضرگچه پاکستان حربی‌لری تامانیدن آتیلگن موشک‌لر دلیلی بیللی بولمه‌گن.
شونینگ‌دیک، ننگرهار ولایتی‌نینگ رسمی‌لری، چیگره پولیس قرارگاهی اوستیگه پاکستان حربی‌لری‌نینگ موشکی هجومی‌نی تأیید قیلگن.
انه شونده‌ی محل یشاوچی‌لری‌نینگ ایتیشیچه، تورخم شهری اوستیگه پاکستان حربی کوچلری‌نینگ موشکی هجومی ایرته‌دن بویان دوام ایتماقده.
بو بیرینچی مرته ایمس کیم، دیورند چیزیغی‌نینگ، او تامانیدن پاکستان‌نینگ حربی کوچلری افغانستان توپراغی اوستیگه موشک آته‌دی. پاکستان توپراغیدن نیچه مرته کنر ولایتی‌نینگ اوستیگه موشک آتیلگن.
اوتگن ییل ایکی مملکت‌نینگ چیگره چیلری، ننگرهار ولایتی‌نینگ گوشته تومنی‌ده بیر- بیراوی بیلن توقنه‌شیب و ایکی تامان هم قربانلیک بیرگن.
