افغانستان تینچلیک یوکسک کینگشی رسمی‌لری‌نینگ ایتیشیچه، تینچلیک تورت تامانلمه سوزلشوولری اوچینچی ییغینیده، حکتمیار رهبرلیگی‌ده‌گی اسلام حزبی بیلن قورال‌لی طالب‌لرنینگ نماینده‌لری اشتراک قیله‌دی.
افغانستان، پاکستان، چین و امیریکه اورته‌سیده‌گی تینچلیک تورت تامانلمه سوزلشوولرنی بیرینچی دوری اسلام‌آباد ده و ایکینچی دوری کابل‌ده اوتکزیلدی. شونینگ‌دیک، اوشبو سوزلشوولرنی اوچینچی دوری پاکستانده اوتکزیلیشی‌گه قرار قیلینگن.
تینچلیک یوکسک کینگشی خلق ارا ایش‌لری بوییچه کمیته باشلیغی حبیب‌الله پَوزی‌نینگ سلام‌وطندارگه ایتیشیچه، تینچلیک تورت تامانلمه سوزلشوولرنی اوچینچی دوری فبروری آیی‌ده اوتکزیلیشی قرار قیلینگن.
جناب پَوزی‌نینگ ایتیشیچه، ملا منصور رهبرلیگی‌ده بولگن قورال‌لی طالب‌لر گروهی مذاکره ده اشتراک قیلگن صورتده، گلبدین حکمتیار رهبرلیگی‌ده‌گی اسلام حزبی و ملا رسول گروهی اوشبو سوزلشوولرده اشتراک ایتیشی ممکن.
اونینگ ایتیشیچه، تینچلیک سوزلشوولری خصوصیده، یخشی لایحه کوزگه توتیلگن صورتده، اوشبو مذاکره‌لر ایجابی نتیجه بیره‌دی.
تینچلیک یوکسک کینگشی‌نینگ اوشبو ملازمی‌گه کوره، امیریکه و چین نماینده‌لری‌نینگ حضوری، اولتیریشلر اوستیگه ایجابی تأثیر تشله‌گن و قرشی گروه‌لر بیلن ایرکین مذاکره باشلنگن صورتده، مذکور مملکت‌لر حضوری ایجابی نتیجه بیره‌دی.
باشقه تاماندن، سیاسی ایش بیلرمان و قطرده اوتکزیلگن پگواش ییغینی اشتراکچی‌لریدن بیری محمدحسن حقیارنینگ ایتیشیچه، اوشبو ییغین توغری‌سیده، طالب‌لر ارا اوتکزیلگن اولتیریشلر و سوزلشوولرگه قره‌گنده، مذکور گروه نماینده‌لری، تینچلیک تورت تامانلمه سوزلشوولری سونگی ییغینیده اشتراک ایتیشی ممکن.
جناب حقیارنینگ ایتیشیچه، طالب‌لرنینگ بیانات‌لری‌گه کوره، اولر اوروش ییچیم یول بولمه‌گنینی درک قیلگن. اونگه کوره، تینچلیک سوزلشوولریده چین و امیریکه حضوری اونملی دیر و شونینگ‌دیک، طالب‌لر اولرنینگ حضوری‌گه ارزش بیره‌دی.
