افغانستان رادیو و تلویزیون‌لری‌نینگ بیرلیگی، میدیا مغلوبیتی و هدف‌گه آلینیشی‌نی سیاسی تیزیم مغلوبیتی بیلیب و میدیا امنیتی تأمین‌لنیشی خصوصیده، «خاص امنیتی قطعه» تشکیل ایتیلیشی‌نی سوره‌گن.
میدیا و خبرچی‌لر امنیتی توغری‌سیده‌گی خواطرلر، اوتگن هفته کابل‌ده موبی گروپ ایشچی‌لری‌نینگ تاشیدیگن موتر قورال‌لی طالب‌لر هجومی‌گه دوچار بولگنی‌دن کیین، اوج آلدی. اوشبو هجوم‌ده موبی گروپ ایشچی‌لریدن 7 کیشی هلاک بولیب و باشقه 27 تینچ اهالی یره‌لندی.
طالب‌لرنینگ اوشبو هجومی، دولت، خلق ارا قوریلمه‌لر و میدیالرنی کینگ قرشی‌لیگی‌گه روپه‌ره بولدی.
افغانستان رادیو و تلویزیون‌لری‌نینگ بیرلیگی، بیر اعلامیه نشر ایتیب افغانستان جمهور رییسی‌دن، میدیایی پیام‌لر و خبرنامه‌لر اورنی‌ده، میدیالردن جدی شکلده حمایه قیلیشی‌نی سوره‌گن.
افغانستان رادیو و تلویزیون‌لری‌نینگ بیرلیگی، کمیده 100 رادیو و تلویزیون ترماغی‌دن تشکیل ایتیلگن.
اوشبو اعلامیه‌ده کیلیشیچه، افغانستان رادیو و تلویزیون‌لری‌نینگ بیرلیگی، دولت‌دن ملی منفعت‌لر، سیاست‌لر و لایحه‌لر تأمین‌لنیشی خصوصیده، موجود شرایط‌ده میدیا فعالیت‌لری تیزیم شکلده ایلگری آلیب باریلیشی خصوصیده، اساسی لایحه‌لرنی قولگه آلیشی‌نی سوره‌دی.
شونینگ‌دیک، اعلامیه‌ده ایتیلیشیچه، دولت سوز ایرکین‌لیگی‌نی سقلب، میدیالر و دولتی اداره‌لری اورته‌سیده اویغونلیک‌که زمینه یره‌تیشی لازم.
اوشبو بیرلیک «تروریستی گروه‌لر تامانیدن بیر میدیا هدف‌گه آلینیشی‌نی» مملکت بوتون میدیالری اوستیگه هجوم اویوشتیریش بیلیب و افغانستان میدیالریدن بیرلیک و بیردملیک‌لرینی سقلب، میدیا، جماعه و خلق امنیتی‌نی برهم اوره‌دیگن‌لرگه قرشی بیرلیک‌ده حرکت قیلیش‌لرینی ایسته‌دی.
اوشبو مقصدگه ایریشیش خصوصیده، شاشیلینچ وضعیت‌لرده دولت بیلن میدیالر اورته‌سیده قنده‌ی بیرشکلده همکارلیک قیلینیشی و اساسی ییچیم یول‌لرگه ایریشیش اوچون، مذکور بیرلیک تکلیف‌لری اساسیده، امنیت و میدیا اداره‌لریدن اویغون بیرکمیته تشکیل ایتیلیشی کیره‌ک.
شونینگ‌دیک، اوشبو بیرلیک اعلامیه‌سیده، تینچ اهالی اینیقسه میدیالرگه قرشی هجوم‌نی خلق ارا قانون‌لری، اسلام دینی و انسان ارزش‌لریگه قرشی دیگن.
