ایش بیلرمانلر و مدنی فعاللردن بیرقطارینینگ ایتیشیچه، میدیالردن بیرینینگ ایشچیلریگه قرشی طالبلر تامانیدن اویوشتیریلگن هجومگه کوره، اوشبو گروه مملکت یشاوچیلرینینگ سیسینی اوچیرماقچی بولگن.
اوتگن کون کابورا پرودکشن بیلن طلوع تلویزیونینینگ ایشچیلرینی تاشیدین موتر برابریده قوراللی طالبلر تامانیدن خودکش هجوم اویوشتیریلدی. اوشبو هجومده، مذکور تلویزیون ایشچیلریدن 6 کیشی هلاک بولیب و باشقه 27 تینچ اهالی یرهلنگن.
میدیا فعاللرینینگ ایتیشیچه، قوراللی طالبلر میدیا ایشچیلری اوستیگه هجوم اویوشتیریب، انسانیتگه ایشانچی یوقلیگینی کورستهدی.
پارلمان نمایندهلریدن بیری شکریه بارکزینینگ ایتیشیچه، قوراللی طالبلر بوندهی هجوملری ارا افغانستان میدیالرینینگ سیسینی اوچیریش اوچون سعی و حرکت قیلهدی. خانم بارکزینینگ ایتیشیچه، بوندهی هجوملر یولگه قوییلیشی بیلن هیچقچان مملکتده سوز ایرکینلیگی سیسی اوچمهیدی و میدیالر کیسکین سیسلری ارا معلومات ییتکیزیش وظیفهلریگه دوام بیرهدی.
خانم بارکزی، حکومتدن میدیالرگه قرشی هجوملرنی باشقریشینی سورهدی و بو هجوملر باشقریلمهگن صورتده، مملکت میدیالری جدی قیینچیلیکلرگه روپهره بولیشی ممکن.
شونینگدیک، خبرچیلردن بیرقطاری، حکومتدن بوندهی هجوملر آلدی آلینیشینی سورهدی. اوشبو خبرچیلرنینگ آگاهلنتیریچه، بوندهی واقعهلر باشقریلمهگن صورتده، میدیالرگه قرشی یمان پیاملری بولیشی ممکن.
ایش بیلرمان و میدیا فعالی احمد سعیدی، انچه پیت آلدین، اوزی کابل شهریده ناتانیش قوراللی کیشیلر هجومیگه دوچ کیلگن ایدی. اونینگ ایتیشیچه، قوراللی طالبلر لایحهلرینی اوزگرتیریب و حاضر ینگی لایحه بیلن میدیالر اوستیگه فشار کیلتیریش اوچون سعی و حرکت قیلهدی.
جناب سعیدی، اوتگن کونگی واقعهنی حکومت بی فرق یاندهشی بیلیب ایتیشیچه، دیمک حکومت ایلگریدن بوندهی واقعهلر یوزبیریشیدن خبر تاپهدی، بیراق باشقریشی خصوصیده، چاره تدبیر کورمهیدی.
افغانستان سوز ایرکینلیگیدن حمایه ایتووچی تشکیلات (نی) باشلیغی صدیقالله توحیدی، طلوع تلویزیونینینگ ایشچیلریگه قرشی اویوشتیریلگن هجومنی قارهلب، مملکت میدیالریدن اوشبو اداره تامانیدن آلینهدیگن قراردن حمایه قیلیشلرینی سورهدی.
