قندوز طالب لرنینگ نظارتیگه اوتگندن کیین، حکومت اوشبو واقعه قندهی یوزبیرگنینی تیکشیریش خصوصیده بیر کمیسیون تعیین قیلگن ایدی و مملکت جمهور رییسی محمداشرف غنی، مذکور کمیسیون معلوماتلری اساسیده، اوشبو ولایتده کینگ اصلاحاتگه قول اوریب، بیرقطار حکومت بلند مرتبهلی ملازم لری و رسمیلرینی وظیفهلریدن چیتلنتیردی.
کورینیشیچه، ملی اردو حربیلرنینگ بو توغریده فرقلی فکرلری بار. مثال صورتده، حربی کوچلر باش قوماندانینینگ اورین باسری جنرال مرادعلی مرادگه کوره، قندوز سقوطی گه طالبلرگه یاردم بیرگن کیشیلر جزالنمهگن و حاضرگچه مذکور ولایتده قوراللی عصیانچیلرگه یاردم بیرهدی.
جناب جنرال مرادگه کوره، اوشبو گروه قندوز قیته سقوط ایتیشی خصوصیده ریجه تیارلهگن.
جنرال مرادعلی مراد، مذکور کیشیلرنینگ سانی و کیم لیگی توغریسیده هیچ نرسه دیمهگن؛ بیراق، او حربی کوچلر بو کیشیلرنی تانیب آلگن و جنرال محیالدین غوریگه، مذکور کیشیلر فعالیتینی نظارتگه آلیش خصوصیده بویروغ بیرگن.
حربی کوچلر اورین باسرینینگ آگاهلنتیریب ایتیشیچه، ایسلنگن کیشیلر، تشکیل ایتیلگن فعالیتگه قول اورگن صورتده، کماندو کوچلری، اولرنی کیچه تاماندن قولگه آلینهدی.
عین حالده، قندوز ولایتی کینگشی اعضاسی امرالدین ولی، مذکور ولایتده کشفی کوچلرنی کوچسیزلیککه عیبلب ایتیشیچه، قندوز سقوطی خصوصیده، طالبلرگه یاردم بیرگن کیشیلر حاضر اویلریده بولگن و اوشبو برقرارلیگینی تهدید قیلهدی و حاضر قندوز سقوط عرفهسیده قرار تاپگن.
قندوز ولایتی کینگشی اوشبو اعضاسینینگ ایتیشیچه، شو کیچه کونده امنیتی کوچلر قندوز شهرینینگ تورت دروازهسینی نظارتگه آلنگن، بیراق اوشبو کوچلر تامانیدن، مذکور ولایت اطرافیده هیچ بیر حربی عملیات یولگه قوییلمهگن.
