ننگرهار ولایتی‌ده قوم یاش اولوغ‌لریدن بیری نینگ تورر بناسی‌ده پارتلش یوز بیردی. مذکور پارتلش ده 13 کیشی قربان بولگن و باشقه 14 انسان آغیر یره لنگن. خودکش هجوم ننگرهار ولایتی‌نینگ ملی مجلس اعضاسی عصمت الله شینواری و ولایتی کینگش اعضاسی عبدالله شینواری‌لرنینگ مهمانخانه سیگه اویوشتیریلگن.
واقعه بوندن ایکی هفته آلدین قوراللی شخص‌لر تامانیدن اوغیرله‌نیب کیتیلگن عصمت الله‌نینگ ایناغه‌سی آزادلیک‌که چیقاریلیشی بیلن مذکور مهمانخانه ده خوش‌لیک بیره‌م اوته دیگن بیر پیت‌ده روی بیرگن.
عینی گواه‌لرگه کوره، انتحارچی دستلب شینواری تَن قوریقچی‌لری توسقین‌لیگی‌گه روپه ره بولگن، اما یَلینیب – یَلینیب ایچکریگه کیریب آلیب اوزینی مهمانخانه گه ییتکزیش بیلن پارتله‌تیب یوبارگن.
ننگرهارولایت والی‌سی نینگ سوزلاوچی‌سی عطاالله خوگیانی‌گه کوره، عصمت الله‌نینگ ایناغه‌سی ملک عثمان جسدی قوشیمچه اون اوچ کیشی نینگ جسدی همده یره لنگن اون تورت نفر ولایت ساغیلیق‌نی سقلش اداره‌سی‌گه ییتکزیلگن.
اونگه کوره، یره لنگن‌لرنینگ بیش کیشی‌سی‌نینگ ساغلیق احوال آغیر بولگن. واقعه مسوولیتی‌نی هنوزگچه هیچ بیر گروه اوز ذمه سیگه آلمه‌گن. قوراللی طالب‌لر عاموی اخبارات واسطه‌لریگه پیام یوللب اوشبو حادثه بو حرکت تامانیدن عمل‌گه اشیریلمه‌گن دیگنلر.
