.jpg)
بغلان ولایتینینگ اورگهتیش و تربیهلش ریاستی سواد اورگهتیش مدیری قادر جمشیدینینگ ایتیشیچه، 1394- ییل جریانیده، 10 مینگ و 150 کیشی اوقیش و یازیشنی اورگنگن. اوشبو کیشیلردن کوپینچهسی 40 دن 70 یاشیده بولگنلر.
جناب جمشیدینینگ سلاموطندار بیلن اوتکزگن صحبتیده، 94- ییل سواد اورگنگنلریدن 2509 کیشیسی عیال بولگنینی ایتگن. مذکور ولایتنینگ، 15 اداری بولیمیده 171 دن آرتیق اوقیتووچی، سواد اورگهتیش ادارهلریده درس بیرهدی. ایتیش لازم، مذکور مرکزلردهگی اوقیتووچیلردن 59 کیشیسی عیال بولگن.
بغلان ولایتینینگ اورگهتیش و تربیهلش ریاستی سواد اورگهتیش مدیری، اوشبو ریاست مقصدی، 15 یاشردن یوقاری کیشیلرگه سواد اورگهنیش زمینهلری یرهتیلیشی دیگن؛ دیمک سوادسیز یاشلر باشقهلردن کوره تیزراق جامعهده جای آلیب و تحصیل کورگن سوادلی کوچ صفتیده مملکتگه خذمت قیلیشلری لازم.
سواد اورگهتیش مرکزیدن ینگیلیکده فارغ بولگن 48 یاشر خیال محمد و 35 یاشر احمدنینگ سلاموطندارگه ایتیشیچه، حاضر یازیش قاعدهلرینی اورگهنیشلری بیلن حیاتلری جریانیدهگی دستلبکی قیینچیلیکلرنی قولیلیککه حل قیلهدیلر. مذکور اوقووچیلرنینگ ایشانچیگه کوره، قولیگه قورال آلیش و مرکزی دولتگه قرشی توریشنی اساسی دلیلی، یاشلرنینگ سوادسیزلیگی دیر. دیمک سوادسیز یاشلر یخشی و یماننی فرق قیلمهی ناتوغری ایشلرگه قول اورهدیلر.
بغلان ولایتینینگ اورگهتیش و تربیهلش ریاستی رسمیلریگه کوره، اوتگن 13 ییل جریانیده، افغانستان یشاوچیلریدن کمیده 3 میلیون و 900 مینگ کیشی سوادسیزلیککه قرشی کورهشیش لایحهلریدن فایدهلنگن و بو جملهدن 60 فایزینی عیاللر تشکیل بیرگن.
