سعودی عربستان مجلسی، مذکور مملکت مسؤول وزیرلیک‌لری تامانیدن حج زیارتچی‌لری خصوصیده، زیارت امکانیتی کینگه‌یتیریلیشی‌نی سوره‌دی.
گاردین کونده‌لیگی گزارشی اساسیده، اوشبو مملکت مجلسی کابینه اعضالری بیلن ییغین اوتکزگن چاغیده، بو ییل حج مراسمی‌ده سعودی عربستان حج وزیرلیگی‌نینگ ایشی‌دن تنقید قیلگن. مجلس نماینده‌لری، مسؤول قوریلمه‌لردن گاوجوم منطقه‌لرده باردی- کیلدی یوللر خصوصیده حرفه‌یی و جدی شکلده معلومات قولگه کیریتیب، کوتیم‌سیز حادثه‌لر باشقریلیشی توغری‌سیده چاره تدبیر کوریشلری‌نی ایسته‌گن.
بونگه قوشیمچه، عربستان مجلس نماینده‌لری‌نینگ ایتیشیچه، مسؤول اداره‌لر حاجی‌لر خذمتی‌گه ییترلی شکلده ییتیش‌لری لازم. اولر رمی جمرات و منا یول‌لری کینگه‌یتیریلیشی اوستیگه تأکیدله‌گن.
بو ییل حج مراسمی‌ده زیارتچی‌لر تیزیم سیزلیگی و گاوجوم‌لیگی باعث، 769 کیشی جان بیردی. شونینگ‌دیک، حج مراسمی باشله‌نیشی‌دن بیرکون آلدین، مکه‌نینگ کته مسجدی ده، بیر جرثقیل ییقیلگنی باعث، 109 کیشی هلاک بولگن ایدی.
اوشبو واقعه‌لردن کیین، عربستان شهزاده‌سی محمد ابن نایف، اوشبو مملکت ایچکی ایشلر وزیری بیلن حج وزیری‌دن، مذکور واقعه‌لرنی کینگ صورتده تیکشیریشینی سوره‌دی؛ بیراق حاضرگچه اوشبو تیکشیروولردن قانیقرلی نتیجه قولگه کیریتیلمه‌گن.
رقم‌لرگه کوره، میلادی 2015- ییل سونگی‌ده، نفت جهانی بهاسی تکرارسیز شکلده قویی کیلگنی باعث، سعودی عربستان 100 میلیون دالر بودجه کم‌لیگی‌گه روپه‌ره بولگن. اقتصادی ایش بیلرمان‌لرگه کوره، اوشبو بودجه کم‌لیگی سیاحتچی‌لر و زیارتچی‌لر صناعتی یخشی شکلده باشقریلگن صورتده، جبران بولیشی ممکن. سعودی عربستان هر ییل، زیارتی سفرلردن کمیده 16 و 20 میلیون دالر عاید قیله‌دی.
