سرپل والیسی محمدظاهر وحدت نینگ ایتشیچه، میلادی 2015-ییلده سرپل امنیتی کوچلری و جنگری طالبلر ارا بولیب اوتگن توقنهشوولرده، 297 جنگری طالب هلاک و 209 تهسی هم یرهلنگن.
جناب وحدت نینگ سلاموطندار بیلن قیلگن صحبتده، بیر ییلگی توقنهشوولرده امنیتی کوچلردن 90 کیشی هلاک و 53 کیشی هم یرهلنگنلیگینی تصدیقله گن. اونگه کوره، توقنهشوولر نتیجه سیده تینچ اهالی هم مالی و جانی ضرر کورگن. 18 کیشی تینچ اهالی اولگن و 13 کیشی هم تن جراحت آلگن.
وحدتنی بیلدیریشیچه، مذکور توقنهشوولرده، مینگلرچه خانهدان اویلرینی ترک قیلیشگه مجبور بولگنلر.
سرپل امنیه قومندانی عبدالقیوم باقیزوی، ولایتده طالبلرنینگ نفوذ قیلیش علتی اهالینینگ بو گروه بیلن یاردملشی دیب بیلهدی. اونگه کوره، شوحاضر هم مذکور ولایت قیشلاقلریدن اونلرچهسی طالبلر تصرفیگه اوتگن.
جناب باقیزوی حربی جهازلر آزلیگی و هوایی عملیاتلر اوتکزیلمه گنلیگینی ولایت امنیتی کوچلری اوچون ییریک قیینچلیک دیب بیلهدی. سرپل پولیس باشلیغی دولت و ملت ارا کیلگن فاصله لرنی اورتهدن ایلتیب، مردمی کوچ عنوانیده اهالی حمایتینی امنیتی کوچلردن بیلدیرگنلیگی و ولایت ایریم منطقهلرینی طالبلر بارلیگیدن پاکلشلرینی بیرییل ایچیده قولگه کیریتگن ایریک یوتوقلردن دیب بیلهدی.
اما سرپل یاش اولوغلریدن بیری میرزا خاننینگ ایتیشیچه، اوشندهیکه امنیتی کوچلر طالبلرگه قرشی عمل قیلگن، شوندهی بولسه هم جنگری طالبلر ولایت کوهستانات تومنی و باشقه اونلرچه قیشلاقلرده زوردن اهالی امکاناتیدن فایدهلنیب، خودکش هجوم مرکزلری ایجاد قیلیشگه اولگورگنلر.
سرپل یشاوچیلری امنیتی کوچلرنی آلقیشلشی بیلن مرکزی دولتدن ولایت ناتینچ محلهلرنی پاکلش اوچون هوایی و ییردن عملیات اوتکزیب اهالیگه تینچ حیات کیچیریشلرینی ایستهیدیلر.
