«الشباب» ترورچی گروهی بیر ویدیو ترقهتیب، مسلمان جنگریلرنی جلب قیلیش اوچون امریکه قوشمه ایالتلری جمهور رییسلیگی لوازمیگه نامزد دونالد ترامپنینگ مسلمانلرگه ضد قوللَگن سوزلردن فایدهلنگن.
اوشبو ویدیوده مذکور گروهنینگ غربده یشیدیگن مسلمانلرگه خطاب قیلیب ایتیشیچه، « مسلمان ایناغهلر و آپهلر، سیزگه ایکی تنلاوبار: جهاد یا سومالیاگه مهاجرت قیلیش»
«ایبیسی نیوز» ترماغیده ترقهتیلگن اوشبو 51 دقیقهلیک ویدیوده کوپراق مسلمانلرنینگ امریکهده تبعیضگه روپهره بولگنی اوچون اشاره قیلینگن. ویدیونینگ بیر بولیمیده جناب ترامپنینگ جَنجَاللی فکری کیریتیلگن. « امریکه قوشیمه ایالتلری بوتون مسلمانلرنی بو مملکتگه کیلیشینی آلدینی آلیشی کیرهک» دیگن.
.jpg)
امریکه جمهوریتچیلر حزبینینگ جمهور رییسلیک لوازمی اوچون نامزدی دونالد ترامپگه کوره، امریکه مسلمانلرنی کیلیشی آلدینی آلیشی ضرور.
مذکو ویدیو دوامیده انور الوکی اخطارلریدن نشر بولنده بوندهی دییلگن. غربده استقامت قیلهدیگن مسلمانلر «کمپلرده» استثمار ایتیلهدیگنلر. امریکهلیک تانیقلی ترورچی انور الوکی میلادی 2011- ییلده اولدیریلگن ایدی.
شونینگدیک مذکور ویدیوده امریکهلیک قاره تنلیکلرنی اولدیریش واقعهلری هم کوزهتیلهدی. دیلی میل کوندهلیگینینگ یازیشیچه، الشباب امریکهدهگی نژادی جَنجَاللرنی سوء استعمال قیلیب، بو مملکتنینگ قارهتنلیک یاشلرینی افراطیتگه جلب قیلیش اوچون سعی وحرکت قیلهدی.
بوندن نیچه وقت آلدین هم امریکه جمهور رییسلیگی لوزامیگه نامزد هیلاری کلینتون خاص بیر منبعگه اشاره قیلمسدن، داعش دونالد ترامپ نینگ سونگی اظهارتلرینی سوء استعمال قیلیب، یاشلرنی مغزنی یوییب اوز منفعتیگه فایدهلنهدی دیگن ایدی، اما جناب ترامپ اونینگ سوزلری کولگی قیلیب رد قیلگن ایدی.
الشباب ویدیوسی ترقه تیلگندن بیری هنوز گچه ترامپ و کلینتوننینگ هیچ بیر طرفدار فکر بیلدیرمهگن.
الشبابگه تانیلگن «حرکت الشباب المجاهدین» یا «مجاهد یاشلر جنبشی» سومالیالیک اسلامچی گروهلردن سنهلهدی. بو حرکت 2012- ییلدن بیری القادهنینگ بیر بولمی اولراق فعالیت قیلگن. عین حالده، مذکور گروه امریکه قوشمه ایالتلری تامیدن ترورچیلر رویخطیگه هم آلینگن.
الشباب سومالیا و نیجریهلیک مسحیلرگه قرشی اوروش قیلیب کیلگن. آلدینلر مذکور گروه سومالیا جنوبی مرکزینینگ ییریک قسمتلرینی اوز تصرفیگه آلگن؛ اما 2015- ییلدن سونگ ییریک شهرلر کنترولینی اوز قولیدن بیریش نیچه کیچیک قیشیلاققه چیکلهنیب قالدی.
