ننگرهار ولایتی اچین تومنینینگ ولسوالی حاجی غالب، اسلامی دولت گروهی یا داعش اوشبو ولسواللیگینینگ «غَزنَی» منطقهسی قیشلاقلریده آلتی تورمه تاسیس قیلیب، 300 نفر تینچ اهالینی مذکور تورمهگه حبسگه آلینگن.
سلاموطندارگه صحبت بیرگن جناب غالبنینگ سوزلریگه کوره، مذکور تورمهلر ولسواللیکنینگ پیشی، عبدالخیل، باندر، مامند، شدل و تخت منطقهسیده ایجاد قیلگن.
گزارشلرگه قرهگنده، داعش گروهی بوندن اوچ آی آلدین هم اوشبو ولسواللیکنینگ تخت قیشلاغیده اوچ تورمه قورگن. ایتیلیشیچه، اوشبو تورمهده یوزلب کیشی حبسگه آلینیب آزادلیکدن محروم ایتیلگن.
شونینگدیک اوشبو ولسواللیک اهالیسی، داعش گروهی ولسواللیکنینگ قطار قوم یاش اولوغلرینی حبسگه آلگن. ولسواللیکنینگ اهالیسیدن بیرینینگ حکایه قیلیشیچه: «بیزنینگ ولسواللیکدن قطار انسانلر دَرکسیز یوقالگن، اولر حبسگه آلینگن یا – ده داعش تامانیدن هلاک قیلینگن».
شوکبی اچین ولسواللیکنینگ معلوم قیلیشیچه، بو ولسواللیکنینگ کوپچیلیک منطقهلری هنوز هم داعش تامانیدن نظارت ایتیلهدی. اچین تومنیده ملی کوچلر تامانیدن اوتکزیلگن عملیاتده داعش نظارتیده بولگن منطقهلر تازلنمهگن.
افغانستان شرقیده 301- چیگره حوزهسینینگ ارکان رییسی ایوب حسینخیل بوگون (سهشبنه) بیر خبری ییغینده، داعش جنگریلر نرگس، جنجال شگه و پشتی منطقهلریده اولدیریلگن دیگن. او، عملیاتده داعشنینگ بیر قوماندانی هم اولدیریلگن دیگن.
عین حالده، ملی مجلسنینگ بیرینچی اورین باسری ظاهر قدیرگه وفادار قوراللی شخصلر شنبه کونی داعش جنگریلرنینگ تورت اعضاسینی باشینی کیسکن ایدی. باشی کیسیلگنلر برچهسی پاکستان قبایلی منطقهلر یشاووچیسی بولگن.
جناب قدیر، افغانستان حکومتی اینیقسه مملکت ملی کینگشینی داعش گروهیدن حمایت قیلگنلیکده عیبلهگن.
