عصمت‌الله، یولداشلری بیلن بیر مأموریت اوچون هلمند دشت‌لریگه باریب، طالب‌لر تامانیدن ییرلشتیریلگن ماین شکاری بوله‌دی؛ اوزیگه کیله‌دی، ایکی قولی توپراققه توشگن و قوللری دردگه چالینگن.
28 یاشیده بولگن عصمت‌الله، کمیده تورت ییل حربی کوچلر صفیده، ضابط صفتیده هلمند، بلخ، هرات، قندهار، کابل و کنر ولایت‌لریده خذمت قیلگن. بیراق قولی یوق بولگنی‌دن کیین، دایما ننگرهار ولایتی رودات تومنی‌ده اوییگه قیتگن.
اونینگ واقعه کونی توغری‌سیده ایتیشیچه، طالب‌لر پیستیرمه‌گه تورگن ایکن و موترلری ساخته تپه‌گه تیککن چاغیده، ماین پارتله‌یدی. عصمت‌الله‌نینگ کوپه‌یتیریشیچه، موتر یانگنی‌دن کیین، اوزینی موتردن چیقارگن، بیراق یولداشی جان بیره‌دیگن چاغیده، اوتگه کویر ایکن.
عصمت‌الله وطن یولی‌ده قولی یوق بولگنی‌دن خرسند دیر. اونینگ ایتیشیچه، قوللریم‌نی خلقیم‌گه ساوغه قیلدیم و بیر قولیم بولگنده هم، یورتیم و خلقیم‌گه خذمت قیلیش اوچون، سنگرگه تامان یول آلیب و اوروشردیم.
اوشبو عسکرنینگ بیر اوغلی و اوچ قیزی بار و انچه پیت‌دن بویان باله‌لرینی بغریگه آله آلمه‌یدی. او حکومت‌دن شکایت قیله‌دی؛ دیمک حکومت اوزی و فرزندلرینی ایسدن چیقارگن و اولرگه یاردم بیرمه‌یدی. عصمت‌الله‌نینگ ایتیشیچه، دولت اونی ساغلیگی اوچون مملکت‌دن تشقری یوبارسه، توزه‌تیله‌دیگن صنعی قوللری بیلن وظیفه‌سیگه قیتیب و فرزندلری‌نینگ کیله‌جکی اوچون ایشله‌یدی.
عصمت‌الله‌نینگ آته‌سی سیدقریش بغضی تولیب ایتیشیچه، اوغلی کوپلب رنج ییلتگن و اونی حکومت ایسدن چیقاریش‌گه حقی یوق دیر. سیدقریش‌گه کوره، عصمت‌الله اقتصادی جهت‌دن یمان وضعیت‌ده قرار تاپگن و قولی یوق بولگنی‌دن بویان نه‌فقط دولت اونگه یاردم بیرمه‌یدی، بلکیم آیلیگی‌نی هم تولمه‌یدی.
عصمت‌الله‌نینگ فدارکارلیک و اوروش حکایه‌سی دیک باشقه مینگ‌لرچه عسکر موجود کیم، هلاک و یره‌لنگنی‌دن کیین، دولت احوالی‌نی سوره‌ش اورنیده، اولرنی ایسدن چیقاریب و ینگی عسکر قیدیره‌دی.
