.jpg)
بغلان ولایتی‌نینگ خنجان تومنی پولیس قومندانی قدرت‌الله سپاند، اوتگن کون کیچ قورون رقیه ناملی بیر عیال طلاق بیرگن ایری تامانیدن آتیب اولدیریلگنی‌دن خبر بیره دی. جناب سپاندگه کوره، اوشبو واقعه سببی عایله‌وی قیین‌چیلیک بولگن و واقعه خلق حضوریده یوزبیرگن.
خنجان پولیس قومندانی‌نینگ ایتیشیچه، جنایتچی توتقونگه آلینیب و تیکشیروو آستیده قرار تاپگن.
شونینگ‌دیک، اوشبو ولایت عیال‌لر ریاستی باشلیغی خدیجه یقین‌نینگ، بو توغریده ایتیشیچه، قاتل‌نینگ آتی یعقوب دیر و 23 یاشر رقیه 3 ییل‌دن کیین، اویی‌گه باله بولمه‌گنی باعث طلاق بیریلگن. خانم یقین‌نینگ ایتیشیچه، رقیه طلاق آلیشی‌دن آلدین، ایری‌نینگ عایله‌سی تامانیدن کلتک‌لنه‌دی ایکن.
.jpg)
بیراق رقیه‌نینگ آته‌سی حاجی کریم‌نینگ ایتیشیچه، کیاوی ایکینچی مرته تورموش قوریش‌گه قصد قیلگن و انچه پیت آلدین رقیه‌نی طلاق بیرگن. اونینگ ایتیشیچه، قیزی طلاق بیرگن کیشی بیلن باشقه حیات کیچیریش‌نی ایستمه‌گن و انه شو سبب، یعقوب تامانیدن اولدیریلگن.
رقیه‌نینگ آته‌سی، عدلی و قضایی اداره‌لریدن، اوشبو واقعه عاملی جزاسیگه ییتکیزیلیشی و باشقه بونده‌ی واقعه تکرار لنمس‌لیگینی سوره‌گن.
ترقه‌تیلگن گزارشلر اساسیده، عیاللرگه قرشی زوره‌وانلیک، جاری ییل اوتگن ییل‌گه قره‌گنده 7.32 فایز کوپه‌یگن. عین حالده، اوتگن ییل بیرینچی آلتی آیی‌ده عیاللرگه قرشی 2403 زوره‌وانلیک رویخطگه آلینگن؛ بیراق بو ییل اوشبو رقم 2579 گه ییتیشگن.
