هلمند ولایتی معارف ادارهسی، طالبلر مذکور ولایتده مکتبلر قیته آچیلیشی اوچون رخصت بیرگن لیکلری بارهسیده خبر بیرگن. ولایت مسووللریگه کوره، قوراللی طالبلر ولایت اوقیتووچیلری همده مکتبلر مدیرلردن مکتب ایشیکلرینی اوقووچیلر یوزیگه آچیب درس بیریشگه باشلشلرینی سورهگن.
بوگون (دوشنبه) ولایت معارف ادارهسینینگ رییسی عبدالمتین جعفر سلاموطندارگه ایتیشیچه، سونگی نابرقرارلیکلر نتیجهسیده ولایت بویلب 51 مکتبنینگ ایشیگی اوقووچیلری یوزیگه یاپیلیب 30 مینگگه یقین اوقووچیلر تعلیم و تربیهدن بهرهسیز قالگن ایدی.
جناب جعفر، طالبلر چاه انجیر، باباجی و مارجه ولسواللیکلرینینگ اوقیتووچیلریگه مکتبلرگه باریب اوقووچیلرگه درس بیریش اوچون سعی و حرکت قیلیشلرینی طلب قیلگن دیگن.
هلمند معارف ادارهسی رییسیگه کوره، اوتگن کوندن بیری 20دن آرتیق مکتبنینگ ایشیگی بالهلر یوزیگه آچیلگن و تیزلیکده ولایت شمالیدهگی مکتبلر ایشیگی هم شاگردلر یوزیگه آچیلهدی.
جناب جعفر، طالبلر ولایت معارف ادارهسی قیینچلیگینی تیزلیکده حل قیلیشدن سوز بیرگن لیکلرینی بیلدیرگن.
جنگری طالبلر اوقیتووچیلرنی درسده حاضر بولمهگن تقدیرده، معلملر ایشدن آلینیشی بارهسیده آگاهلنتیریگنلر.
بو خبرنی تصدیقلهگن طالبلر حربی کمیتهسینینگ اعضاسی مولوی حضرت محمدنینگ سوزلریگه کوره، عامالمنفعه مرکزیلری جملهدن مکتبلر، عمومی یوللر و شفاخانهلر آچیشی کوتیلهدی.
بو بیرینچی مرته طالبان حرکتی مکتبلر ایشیگی آچیلیب اوقوچیلر درسگه دوام بیریشی بارهسیده کیلیشگنلر.
بوندن نیچه وقت آلدین طالبلر اودیو بیر کیلیپ ترقهتیب عامالمنفعه مرکزلر جملهدن مکتبلر، شفاخانهلر و عمومی یوللرنی یاپمسلیکلرینی بیلدیرگن ایدی. ایتیلیشیچه، هلمند ولایتی بویلب 155 مکتب اوقووچیلر یوزیگه یاپیق قالگن.
