پارلمان بیرینچی اورین باسری ظاهر قدیرنینگ ایتیشیچه، مملکت امنیت کینگشی و برچه امنیتی رسمیلر داعش گروهیدن حمایت قیلهدی.
جناب قدیر، بوگون (دوشنبه) مجلس عمومی ییغینیده سوزگه چیقیب ایتیشیچه، داعش گروهی باشلیغلری پایتختده حیات کیچیرهدی و دایم دولت رسمیلری و باشلیغلری بیلن اوچرهشیب بحث اوتکزهدی.
جناب قدیر، ایکی آیدن بویان داعش گروهیگه قرشی کورهشیش خصوصیده ننگرهار ولایتی شینواری منطقهسیده بارگن ایدی، بوگون مجلس ییغینیده سوزگه چیقیب، افغانستان و پاکستان حکومتلرینی داعش گروهیدن ایرکین و غیر مستقیم شکلده همکارلیک قیلیشگه عیب لهدی.
پارلمان بیرینچی اورین باسرینینگ کوپهیتیریشیچه، پاکستان توپراغیدن 20 مینگ عایله شینواری منطقهسیده مهاجر بولگن؛ اوشبو عایلهلردن کوپینچهسی آغیر قوراللر بیلن جهازلنگن. اونینگ ایتیشیچه، شینواری افغانستانده داعش گروهینینگ کته مرکزی بولگن و قیش موسومیده کینگ هجوم اوشبو منطقهدن باشقریلیشی ممکن.
شونینگدیک جناب قدیرنینگ، انچه پیت آلدین ایتیشیچه، پاکستان حکومتی طالبلرنی کوچسیزلنتیریش خصوصیده، داعش گروهینی افغانستان شینواری منطقهسیده جایلشتیرگن.
جناب قدیر، دولت بلند مرتبهلی رسمیلریدن آت توتمهی، بیراق ایتیشیچه، دولتگه قرشی قوراللی عصیانچیلر باشلیغلریدن بیری توتقونگه آلینگن صورتده، دولت رسمیلری تیزلیکده قوییب یوباریلیشی خصوصیده، حکم صادر ایتگن چاغده اوشه ییترلی دیر. شونینگدیک جناب قدیر، داعش گروهی اعضالریدن 500 تهسی دولتی کوچلر اوروشیده هلاک بولگنینی رد ایتیب ایتیشیچه، اوشبو 500 داعش اونینگ رهبرلیگیده بولگن کوچلر اوروشیده هلاک بولگن.
نمایندهلر کینگشی بیرینچی اورین باسرینینگ ایتیشیچه، دولت نه فقط داعش گروهی بیلن اوروشمهیدی، بلکیم اوشبو گروه نابود ایتیلیشی خصوصیده، سعی و حرکت قیلگن کیشیلرگه قرشی توختهیدی.
داعش گروهی اچین تومنی شینواری منطقهسیده کینگ شکلده حضور تاپگن و گزارشلر اساسیده، اوشبو گروه اعضاسی، سونگی کونلرده مذکور منطقه یشاوچیلرینینگ اویلرینی اوتکه یاندیریب و محل یشاوچیلرینی اذیت قیلگن ایکن. قولگه کیریتیلگن رقملرگه کوره، شینواری، اچین، هسکه مینه، شیرزاد، کوت، بتیکوت و ننگرهار تومنلری باشقه بیرقطار منطقهلریدن، کمیده 20 مینگ عایله داعش گروهیدن قورقیب اویلرینی ترک ایتگن.
