مالی اولکه‌سی باماکو شهریده قورالی جنگری‌لر ۱۷۰ کیشینی «رادیسون» هوتلیده قورشاوگه آلگن. تشقی رسانه‌لر گزارشی‌گه کوره، بو قورالی‌لر سانی ۱۰ کیشی‌گه ایته‌دی، بوگون جمعه ایرته‌لب اوشبو هوتلده هجوم قیلگنلر.
قورشاوگه آلینگلردن۱۴۰ کیشی مسافر و باشقه‌سی هوتل ایشلاوچیلری ایکن.
ایتیلیشیچه، بو گروه یوزیگه نقاب کییب و سیاسی پلیت‌لیک موترلر بیلن هوتل ایچیده کیرگنلر و بیردن اوق اوزیش‌گه باشله گنلر. بو هوتلده کوپلب فرانسه‌لیک حربیلر و غربی سوداگرلر مسکون ایکنلر.
ایتیلیشیچه، حاضرگه قدر ۵ کیشی هلاک بولگن و شو حاضر قورشاوگه آلگن گروه بیلن مالی حربی‌لری ارا اوروش دوامی بار.
مالی افریقا غربیده جایلشگن اولکه‌لردن بیری دیر.
بو شوپیتده بوله‌دیکه بیر هفته آلدین داعش گروهی‌گه باغلیق کیشی‌لر فرانسه نینگ پاریس شهری ۷ منطقه‌سیده هجوم اویوشتیردیلر. بو یوروش نتیجه‌سیده ۱۲۵ کیشی هلاک و ۲۰۰ گه یقین کیشی تن جراحتی آلگن ایدی. بو هجوم‌دن کیین اروپا و غرب اولکه‌لریده ناتین‌جلیکلر کوپه‌یش احتمالی ایتیلگن ایدی.
