جوزجان ولایتینینگ نابرقرار منطقهلریدن بولمیش شبرغان – قوشتپه ولسواللیگی عمومی ترانسپورت یولی ایشی تکمیل ایتیلگن.
قوشتپه و درزاب ولسواللیگینی ولایت مرکزی بیلن باغلاووچی عمومی یول اسفالت ایتیلیشیگه 10 میلون دالر صرفلنگن. مذکور مبلغ دنیا بانکی تامانیدن تولنگنی ایتیلهدی.
بوگون بیر خبری ییغینده قتنشگن ولایت والیسی لطفالله عزیزینینگ ایتیشیچه، 40 کیلو متر اوزونلیگی بولگن اوشبو یول اساسی شکلده اسفالت ایتیلگن و 60 کیلومتردن عبارت اوشبو یولنینگ ایکیچی بولیمی کیلگوسی ییلده باشلنیشی ممکن.
جناب عزیزیگه کوره، اوشبو یولدهگی ایش جریانی توختهتیلیشی اوچون قوراللی طالبلر نیچه مرته هجوم عملگه آشیرگن دیگن، اما اهالی همده ملی پولیس کوچلر مذکور لایحه جریانی بوزیلمسلیگی اوچون امنیتنی جدی تامین قیلگنلرینی ایتگن.
اوشبو یولدهگی ایشلاووچیلر جانی و مالی امنیتی تامین قیلینیشی اوچون فداکارلیک قیلگن امنیتی کوچلرگه اوز منتدارچیلیگینی بیلدیرگن قوشتپه و درزاب ولسواللیگینینگ اهالیسی مذکور یول پیشیق صورتده قوریلیشی بیلن بو ایکی ولسواللیک اهالیسی نینگ ییریک قیین چلیکلری حل ایتیلهدی دیگنلر.
درزاب ولسواللیگینینگ قوم یاش اولوغلریدن محمداکرمنینگ سوزلریگه کوره، بوندن آلدین اوشبو یولدن باردی – کیلدی قیلیش قیین بولگن و ایریم موردلرده ایسه یولنی بوزیقلیگی سبب کسللر شفاخانهگه ییتمسدن حیاتدن کوز یومگنلر.
شونینگدیک قوم نینگ اوشبو آقسقالی دولتدن اوشبو یول برقرارلیگی تامین لهنیشی اوچون اعتبار قرهتیشنی سورهگن.
عین حالده، جوزجان ولایت مسووللری، ولایتنینگ ولسواللیک و قیشلاقلری یولی امنیتی تامین ایتیلیشی اوچون 500 عسکر محلی پولیس چهار چوبهسیگه آلینیشینی ایتگنلر.
