هرات ولایتی باشقرلاوچیلیگی، مذکور ولایت قاضی‌لری و باشقرلاوچیلری تامانیدن حبس‌گه آلینگن عیاللر جنسی زورلنیشی خصوصیده‌گی ادعالرنی رد ایتدی.
«افغانستان بوییچه عدالت مدنی- حقوقی اداره‌سی» جاری هفته (یک‌شنبه کون) بیر گزارش ترقه‌تیب ایتیشیچه، مملکت غربی حوزه‌سیده‌گی باشقرلاوچیلر و قاضی‌لردن بیرقطاری، حبس‌گه آلینگن هر 10 عیال‌دن 3 ته‌سی‌نینگ اوستیگه جنسی زورله‌یدی. بو گزارش‌گه اساس، هرات ولایتی‌ده 9 باشقرلاوچی و 6 قاضی، بادغیس‌ده 6 باشقرلاوچی و 4 قاضی، غورده 5 باشقرلاوچی و 4 قاضی، فراه ده 4 باشقرلاوچی و 3 قاضی و نیمروز ده 3 باشقرلاوچی و 2 قاضی حبس‌گه آلینگن عیال‌لرگه جنسی زورله‌گن.
هرات ولایتی‌نینگ تورمه خانه مسؤول‌لری و استیناف باشقرلاوچیلیگی باشلیغی سمیع الدین رهین‌نینگ (سه‌شنبه کون) بیر خبری ییغینده ایتیشیچه، اولر مذکور اداره رسمی‌لریدن بو توغریده گواه و حجت سوره‌گن؛ بیراق اولر قیلگن ادعالرینی اثبات‌لشی توغری‌سیده هیچ بیر حجت ارایه ایتمه‌گن.
جناب رهین‌نینگ ایتیشیچه، افغانستان بوییچه عدالت مدنی- حقوقی اداره مسؤولی شمس‌الدین شمس، باشقرلاوچیلیک‌که حجت ارایه ایتیش اورنیده، هرات‌دن قاچیب کیتگن.
بونگه قوشیمچه، هرات ولایتی قیته تیکلش باشقرلاوچیلیک اداره‌سی باشلیغی‌نینگ ایتیشیچه، مذکور قوریلمه هرات ولایتی عدلی ریاستی‌گه رویخطگه آلینمه‌گن و بو اوزی سوراق توغدیره‌دی.
شونینگ‌دیک جناب رهین، هرات تورمه‌سیده حبس‌گه آلینگن عیاللر تشقری چیقاریلیشی خصوصیده، مذکور اداره ادعالرینی رد ایتیب ایتیشیچه، هراتده عیاللر تورمه خانه‌سی جدی امنیتی نظارت‌گه قرار تاپگن.
باشقه تاماندن، هراتده عیاللر تورمه خانه مدیری عبدالله عزیزی‌نینگ ایتیشیچه، مذکور اداره رسمی‌لری قانون‌گه قرشی هرات ولایتی عیاللر تورمه خانه‌سیگه یاردم و مصلحت بیریش بهانه‌سی بیلن کیلگن؛ دیمک تورمه خانه‌لردن نظارت ایتیش، باشقرلاوچیلیک، انسان حقوقلری کمیسیونی و قیزیل غاچ اداره‌سی ایشی بولگن.
جناب عزیزی‌نینگ کوپه‌یتیریشیچه، افغانستان بوییچه عدالت مدنی- حقوقی اداره باشلیغی روحی- روانی کسل‌لیک‌که چالینگن و بوندن آلدین شونده‌ی بیر ادعانی فاریاب و بدخشان ولایت‌لریگه قیلگن ایدی، بیراق مملکت مرکزیدن یوباریلگن کمیسیون تامانیدن یالغان اثبات‌لندی.
بیراق، افغانستان بوییچه عدالت مدنی- حقوقی اداره باشلیغی شمس‌الدین شمس‌نینگ، سلام‌وطندارگه ایتیشیچه، او رسمی شکلده ایچکی ایشلر وزیرلیگی حمایتی بیلن کابل سفر قیلگن و جمهورلیک ریاستی تامانیدن خاص کمیسیون تشکیل ایتیلیب، بو قضیه‌نی تیکشیره‌دی.
جناب شمس‌گه کوره، مذکور اداره حجتی بوتونله‌ی آچیق بولگن و جوازنامه اساسیده، 11 بولیم‌گه فعالیت قیله‌دی. شونینگ‌دیک شمس‌نینگ ایتیشیچه، تیزلیک‌ده برچه ادعالرینی اثبات‌لیدی.
