مملکت جمهور رییسی قندوز، فاریاب و هلمندده‌گی کبی حادثه‌لر دوام تارتیشی‌دن خبر بیرگن. بوگون امنیتی منصب‌دارلر فارغت مراسمی بیلن اوتکزیگن ییغین چیقیش قیلیب ایتیشیچه، مملکت بیر مددتگچه طالب‌لر هجومی‌گه روپه ره بولیب توره‌دی.
جنگر طالب‌لر بوندن نیچه کون اول قندوز ولایتی‌گه هجوم قیلیب، مذکور شهرنی اوچ کون اوز نظارتی‌گه آلگن ایدی و نهایت فاریاب ولایتی غورماچ ولسوال‌لیگی هم اوشبو گروه تمانیدن تصرف ایتیلدی. شونینگ‌دیک مذکور جنگری‌لر هلمند ولایتی‌گه هم هجوم قیلگن‌لر.
ییغین‌ده جمهور رییس‌غنی مذکور معمادن چیقیشی‌نینگ یگانه یولی بیر- بیراونی تن آلیش دیب، سیاسی همدل‌لیک حکومت رهبرلرینی «دشمن» مقابلی‌ده موفق بولیش‌لری اوچون اساسی زمینه دیگن.
او، دنیاده فقط افغانستان یارد‌م‌گه محتاج مملکت ایمس دیب، جاپان و چین دولت‌لریدن آت توتیب مذکور مملکت‌لر هم زمانیده افغانستان کبی باسقیچ‌نی اوتکزگن‌لیگینی تیل‌گه آلگن. غنی بو مملکت‌لر ترقیاتینی ییریک عاملی اولرنینگ رهبرلری قیسقه مددتلی برنامه‌گه اعتبار بیرمه‌گن‌لیکلری باعث بولگن دیگن.
شونینگ‌دیک جمهور رییس امریکه قوشمه ایالت‌لری‌نینگ 2016-ییل آخریگه قدر حربی عسکرلری قالیشی‌نی خوش قرشیلیب اونی «تاریخی» بیر قرار دیگن. غنی افغانستانده خلق ارا کوچلری قالیشی‌نی افغان ملی کوچلرینی دشمن برابریده حقیقی کوره‌شیش و افغانستانی ترورچیلرگه قرشی مقابله قیلیشی دیب اته‌گن.
اوشبو ییغین‌ده جمهور رییس‌نینگ تاکیدله‌شیچه، افغانستان پاکستان بیلن اعلان ایتیلمه‌گن اوروش‌ده روپه ره و کابل – اسلام آباد علاقه‌سی یالغیز ایکی تامان‌نی ترورچیلرگه قرشی قوشمه کوره‌شیشی‌گه استوار.
غنی، دنیانینگ کومک‌لری دوامی افغانستان اوچون تاریخی بیر فرصت دیب و بو فرصت‌لردن ایجابی فایده‌له‌نیش ضرور. اونینگ شونینگ‌دیک افغان ملی کوچلری هیچ بیر سیاسی حزب و جریان بیلن علاقه‌لر بولمس‌لیگی توغریسیده اورغوله‌گن.
جمهور رییس غنی، اوتگن اون تورت ییل دوامی‌ده قول‌گه کیریتیلگن یوتوق‌لری همده افغانستان اساسی قانونی تن آلگن کیشی‌لر اوچون تینچ مذاکره ایشیگی آچیق دیگن. غنی اوروش و قان توکیش‌نی ایسته‌میمن، اما مملکت اوچون تحمیل ایتیلگن اوروش اوچون عمر باد توختیمن. او، مملکت خلقی‌دن ملی کوچلردن جدی حمایت قیلیش‌لرینی سوره‌گن.
جمهور رییس‌غنی سونگی وقت‌لرده جنگری طالب‌لرنینگ هجوم کوتیلمه‌گن درجه‌ده آشگن بیر چاغده مملکت‌ده طالب‌لر هجومی دوام ایتیشی باره‌سیده خبر بیرگن. اما، امنیتی مسؤول‌لر هر دایم قورال‌لی طالب‌لر ملی کوچلرگه مقابله قیلیش کوچی‌گه ایمس دیگن‌لر.
