اجراییه ریاستی سوزلاوچیسی اورین باسری جاوید فیصل بوگون (سه‌شنبه) سلام‌وطندار بیلن اوتکزگن صحبتیده ایتیشیچه، جناب عبدالله مملکت‌ده امنیتی وضعیت یمانلشگنی باعث، سفرینی یکونلتمه‌سی قیته‌دی.
اجراییه باشلیغی، سفر لایحه‌سیگه اساس، پنج‌شنبه کون بیرینچی اکتوبر بیرلشگن ملت‌لر تشکیلاتی 70- عمومی ییغینی چیککه‌سیده، امیریکه جمهور رییسی باراک اوباما بیلن اوچره‌شیش‌گه قرار قیلگن ایدی و بو اوچره‌شوو بوگون‌گه قرار قیلیندی.
خلق ارا علاقه‌لر ایش بیلرمانی لطیف نظری، اجراییه باشلیغی‌نینگ مملکت‌گه قیتیشی توغری‌سیده سلام‌وطندارگه ایتیشیچه، مملکت‌ده امنیتی اداره‌لر وظیفه‌لرینی یخشی صورتده عمل‌گه آشیرگینچه، ملی بیرلیک حکومت باشلیغ‌لری‌نینگ بار و یوقلیگی مملکت ثباتی اوستیگه تأثیر تشلمه‌یدی.
جناب نظری‌گه کوره ، افغانستان خلق ارا سیاست‌لری و دیپلوماتیک علاقه‌لری مملکت ایچکی امنیتی‌گه قره‌گنده اونملی دیر. افغانستان‌نی دیپلوماتیک علاقه‌سی نتیجه بیرمه گونچه، ایچکی امنیت لایحه‌سی نتیجه بیرمه‌یدی. دیمک افغانستان اوروشی مملکت چیگره‌لریدن تشقری منطقه استخباراتی تامانیدن ریجه‌لنه‌دی.
افغانستان نماینده‌سی و اجراییه باشلیغی جناب عبدالله، بیرلشگن ملت‌لر تشکیلاتی 70- عمومی ییغینیده، مملکت و منطقه مسئله‌لری توغری‌سیده سوز یوریتیشی‌گه قوشیمچه، کندز اوستیگه اویوشتیریلگن هجومنی قاره‌لب، قوشنی مملکت‌لردن تروریستی گروه‌لر اینیقسه حقانی ترماغی‌دن حمایت ایتیشی‌گه تنقید قیلدی.
